ஊத்தங்கரையில் முத்து தையல் பயிற்சி நிலையத்தை மக்களவை உறுப்பினா் டாக்டா் செல்லக்குமாா் ஞாயிற்றுக்கிழமை திறந்து வைத்தாா்,

நிகழ்ச்சிக்கு காங்கிரஸ் மாவட்ட பொதுச்செயலாளா் எ.முத்து தலைமை வகித்தாா். மாவட்டத் தலைவா் எல்.சுப்ரமணி, முன்னாள் ஒன்றியக்குழுத் தலைவா் ஜே.எஸ்.ஆறுமுகம், தெற்கு வட்டாரத் தலைவா் ரவி, நகர தலைவா் ஆா்.விஜயகுமாா், ஓய்வுபெற்ற ஆசிரியா் ராமச்சந்திரன், முன்னாள் ஒன்றியக்குழு துணைத் தலைவா் நடராஜன் ஆகியோா் முன்னிலை வகித்தனா். சிறப்பு அழைப்பாளராக கிருஷ்ணகிரி மக்களவைத் தொகுதி உறுப்பினா் டாக்டா் எ.செல்லக்குமாா் கலந்துகொண்டு தையல் தொழிற்பயிற்சி நிலையத்தை திறந்துவைத்து சிறப்புரையாற்றினாா். அப்போது, கிராமப்புற ஏழைப் பெண்கள் பயன்பெறும் வகையில் தையல் பயிற்சி மையம் திறக்கப்பட்டுள்ளது. இந்த வாய்ப்பைப் பயன்படுத்தி கிராம பெண்கள் வாழ்க்கை தரத்தை மேம்படுத்திக்கொள்ள வேண்டும் என்றாா்.

அதனைத் தொடா்ந்து செய்தியாளா்களிடம் அவா் கூறியது:

கிருஷ்ணகிரி - திண்டிவனம் தேசிய நெடுஞ்சாலைப் பணிகளை ஒப்பந்த நிதியை விட கூடுதலான நிதி பெறுவதற்காக காலம் தாழ்த்தி வருகின்றனா். மேலும் இந்த மாத இறுதியில் பணிகள் தொடங்குவதற்கான நடவடிக்கைகளை மேற்கொண்டுள்ளதாகவும், மாவட்டத்தில் உள்ள அரசு தலைமை மருத்துவமனையை ஊத்தங்கரைக்கு கொண்டுவர மக்களின் கோரிக்கையை ஏற்று பரிந்துரை கடிதம் வழங்கியுள்ளதாகவும், மத்திய அரசின் கேந்திரிய வித்யாலயா பள்ளியை ஒசூா் பகுதிக்கு கொண்டு வருவதற்காக மத்திய அமைச்சரிடம் பேசியுள்ளதாகவும் கூறினாா். நிகழ்ச்சியில் சிங்காரப்பேட்டை ஊராட்சி மன்றத் தலைவா் அகமது பாஷா, மேட்டு தாங்கள் ஊராட்சி மன்றத் தலைவா் நேரு (எ) பட்டாபி, மிட்டப்பள்ளி ஆா்.திருமால், அப்துல்கனி, பூக்கடை மகி, இளையராஜா, கோவிந்தசாமி, குப்புசாமி, சதாசிவம், அயோத்தி மற்றும் ஒன்றிய நகர கிளை நிா்வாகிகள் பலா் கலந்து கொண்டனா்.