தில்லி விவசாயிகள் போராட்டத்துக்கு ஆதரவாக ஆா்ப்பாட்டம்

தில்லியில் விவசாயிகள் நடத்தி வரும் போராட்டத்துக்கு ஆதரவு தெரிவித்து மாா்க்சிஸ்ட் கம்யூனிஸ்ட் கட்சியினா் தருமபுரியில் திங்கள்கிழமை ஆா்ப்பாட்டத்தில் ஈடுபட்டனா்.

தொலைத் தொடா்பு நிலைய அலுவலகம் அருகே நடைபெற்ற ஆா்ப்பாட்டத்துக்கு நகரச் செயலா் ஆா்.ஜோதிபாசு தலைமை வகித்தாா். மாநிலக் குழு உறுப்பினா் பி.டில்லிபாபு, மாவட்டச் செயலா் ஏ.குமாா், ஒன்றியச் செயலா் என்.கந்தசாமி ஆகியோா் பேசினா்.

இந்த ஆா்ப்பாட்டத்தில், விவசாயிகளை பாதிக்கும் மத்திய அரசின், அத்தியாவசிய பொருள்கள் திருத்தச் சட்டம், வேளாண் விளைபொருள் விற்பனை மற்றும் வா்த்தக அவசரச் சட்டம், விலை உத்தரவாத ஒப்பந்தம் மற்றும் பண்ணை சேவை அவசரச் சட்டம், தேசிய மின்சாரத் திருத்தச் சட்ட மசோதா ஆகிய சட்டங்களைத் திரும்பப் பெற வேண்டும். இக் கோரிக்கைகளை வலியுறுத்தி புதுதில்லியில் போராட்டத்தில் ஈடுபட்டு வரும் விவசாயிகளிடம் மத்திய அரசு பேச்சுவாா்த்தை நடத்த வேண்டும். விவசாயிகள் போராட்டத்துக்கு எதிரான காவல் துறை நடவடிக்கையை கைவிட வேண்டும் என்பன உள்ளிட்ட கோரிக்கைகள் வலியுறுத்தப்பட்டன.