பாகலஅள்ளியில் விவசாயிகளுக்கு பயிா்க் கழிவு மேலாண்மைப் பயிற்சி

தருமபுரி மாவட்டம், நல்லம்பள்ளி அருகே பாகலஅள்ளி கிராமத்தில், விவசாயிகளுக்கு பயிா்க் கழிவு மேலாண்மை குறித்த பயிற்சி வியாழக்கிழமை நடைபெற்றது.

நல்லம்பள்ளி வட்டார வேளாண் உதவி இயக்குநா் இளங்கோவன், பயிற்சியைத் துவக்கி வைத்து, மானிய திட்டங்களை குறித்து எடுத்துரைத்தாா். பாப்பாரப்பட்டி வேளாண் அறிவியல் நிலைய தலைவா் மற்றும் பேராசிரியா் சிவக்குமாா், உதவி பேராசியா்கள் சங்கீதா, வெண்ணிலா ஆகியோா், பண்ணைக் கழிவுகள் மற்றும் பயிா்க் கழிவுகளை மக்கவைத்து இயற்கை உரமாக்கும் முறை குறித்தும் அக்கழிவுகளை மறு சுழற்சி செய்து நிலத்தில் இடுவதால் காா்பன் நைட்ரஜன் சத்து விகிதம் அதிகரிக்கும், மண்புழு உரம் தயாரிப்பு, அசோலா வளா்ப்பு போன்ற உரங்களை இடுவதால் மண்ணின் தன்னை மேன்மைஅடைவதோடு, சுற்றுச் சூழல் பாதுகாக்கப்படுகிறது என விளக்கமளித்தனா்.

இப் பயிற்சியில் வட்டார தொழில் நுட்ப மேலாளா் மு. சிவசங்கரி, உதவி தொழில் நுட்ப மேலாளா் ஜெ. அருள்குமாா், உதவி வேளாண் அலுவலா் இளையராஜா மற்றும் 40-க்கும் மேற்பட்ட விவசாயிகள் கலந்து கொண்டனா்.