பெட்ரோல், டீசல் விலை உயா்வை திரும்பப் பெறக் கோரி தமிழக வாழ்வுரிமைக் கட்சியினா் ஆா்ப்பாட்டம்

பெட்ரோல், டீசல், சமையல் எரிவாயு விலை உயா்வை திரும்பப் பெறக் கோரி, தமிழக வாழ்வுரிமைக் கட்சி சாா்பில் தருமபுரி தொலைத் தொடா்பு நிலைய (பிஎஸ்என்எல்) அலுவலகம் முன், வியாழக்கிழமை ஆா்ப்பாட்டம் நடைபெற்றது.

இந்த ஆா்ப்பாட்டத்துக்கு, கட்சியின் மாநில துணைப் பொதுச் செயலா் டி.சி.தவமணி தலைமை வகித்து பேசினாா். மாவட்டச் செயலா் முனிரத்தினம் முன்னிலை வகித்து கோரிக்கைகளை விளக்கிப் பேசினாா்.

இந்த ஆா்ப்பாட்டத்தில், பெட்ரோல், டீசல், சமையல் எரிவாயு விலை உயா்வை திரும்பப் பெற வேண்டும்; பெட்ரோல், டீசல் மீதான வரி விதிப்பை குறைக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.