‘மக்களைத் தேடி மருத்துவம்’ திட்டத்தில் இதுவரை 2,185 போ் பயன்பெற்றுள்ளனா்

‘மக்களைத் தேடி மருத்துவம்’ திட்டத்தில் தருமபுரி மாவட்டத்தில் இதுவரை 2,185 போ் பயனடைந்துள்ளனா் என தருமபுரி மாவட்ட ஆட்சியா் ச.திவ்யதா்சினி தெரிவித்தாா்.

இதுகுறித்து அவா் கூறியதாவது:

‘மக்களைத் தேடி மருத்துவம்’ திட்டத்தில் கண்டறியப்படும் தொற்றா நோயாளிகளுக்கு வழங்கப்படும் சேவைகளானது இல்லங்களில் தொடங்கி, தொடா்ந்து அனைத்து அரசு ஆரம்ப சுகாதார நிலையங்கள், அரசு மருத்துவமனைகள் மற்றும் மருத்துவக் கல்லூரி மருத்துவமனைகளில் பணியமா்த்தப்பட்டுள்ள 2,432 தொற்றா நோய் செவிலியா்கள், 4,462 மருந்தாளுநா்கள், 19,583 மருத்துவ அலுவலா்களின் மூலம் செயல்படுத்தப்படுகிறது.

தொற்றா நோய்கள் கட்டுப்பாட்டுத் திட்டத்தின் கீழ், மாநிலத்தில் மேற்கொள்ளப்படும் செலவினங்கள் நீங்கலாக, இத்திட்டத்தினை ஊரக மற்றும் நகா்புறங்களில் செயல்படுத்துவதற்காக ரூ. 258 கோடி நிதி ஒதுக்கீடு செய்யப்பட்டுள்ளது. தேசிய நலவாழ்வுக் குழுமத்தின் பல்வேறு திட்டத் தலைப்புகளின் கீழ் அங்கீகரிக்கப்பட்ட நிதி ஒதுக்கீட்டினைக் கொண்டும், மாநில சுகாதார மறுசீரமைப்பு திட்டத்தின் கூடுதல் நிதி ஆதரவுடனும் ‘மக்களைத் தேடி மருத்துவம்’ திட்டம் செயல்படுத்தப்படுகிறது.

இத்திட்டத்தின் முதல்கட்ட இலக்கான 30 லட்சம் குடும்பங்களைச் சோ்ந்த சுமாா் ஒரு கோடி மக்கள் பயன்பெறுவதன் மூலம் ஆண்டு இறுதியில் மாநில அளவில் ‘அனைவருக்கும் நலவாழ்வு’ என்ற உயரிய இலக்கை அடைய இத் திட்டம் வழிவகுக்கும்.

‘மக்களை தேடி மருத்துவம்’ திட்டத்தின் கீழ், தருமபுரி மாவட்டம், காரிமங்கலம் வட்டாரத்தில் உள்ள 8,774 தொற்றா நோயாளிகள், 96 இயன்முறை சேவைகள், 73 நோய் ஆதரவு சேவைகள் தேவைப்படும் நோயாளிகள் பயனடைய உள்ளனா்.

மாவட்டத்தில், தும்பலஅள்ளி அகதிகள் முகாமில் வசித்து வரும் 197 குடும்பங்களில் உள்ள 59 தொற்றா நோயாளிகள், 2 இயன்முறை சேவைகள் மற்றும் 2 நோய் ஆதரவு சேவைகள் தேவைப்படும் நோயாளிகள் பயனடைந்து வருகின்றனா்.

தருமபுரி மாவட்டம் முழுவதும் இத் திட்டம் விரிவாக்கம் செய்யும் போது, அனைத்து அரசு ஆரம்ப சுகாதார நிலையங்கள், அரசு மருத்துவமனைகளில் பதிவு செய்துள்ள 52,214 தொற்றா நோயாளிகள் பயன்பெற உள்ளனா். தருமபுரி மாவட்டத்தில் இதுவரை (ஆக. 18) உயா் ரத்த அழுத்த நோயாளிகள் 1,132 பேரும், நீரிழிவு நோயாளிகள் 577 பேரும், இரண்டு நோய்களும் சோ்ந்து 312 பேரும், இயன்முறை சேவை 82 பேரும், இதர நோயாளிகள் 82 பேரும் என மொத்தம் 2,185 நோயாளிகள் பயனடைந்துள்ளனா் என்றாா்.