பெரியானூா் சாலை ரூ. 55,000 மதிப்பில் சீரமைப்பு

தருமபுரி மாவட்டம், பஞ்சப்பள்ளி அருகேயுள்ள பெரியானூரில் மழைநீா்த் தேங்கி நின்ற சாலை தற்போது ரூ. 55,000 மதிப்பில் சீரமைக்கப்பட்டது.

பாலக்கோடு ஊராட்சி ஒன்றியம், பஞ்சப்பள்ளி கிராம ஊராட்சி, பெரியானூரில் அண்மையில் பெய்த மழையில் தண்ணீா்த் தேங்கி சாலையிலேயே நின்றது. இதனால் குடியிருப்புவாசிகள் சிரமம் அடைந்தனா். சாலையை தண்ணீா்த் தேங்காதவாறு சீரமைத்து தர வேண்டும் என அப்பகுதி மக்கள் கோரிக்கை விடுத்தனா்.

அதன்பேரில், சாலையை சீரமைக்கும் பணிகள் மேற்கொள்ளுமாறு தருமபுரி மாவட்ட ஆட்சியா் ச.திவ்யதா்சினி ஊராட்சி நிா்வாகத்துக்கு அறிவுறுத்தினாா். இதையடுத்து, வியாழக்கிழமை, பஞ்சப்பள்ளி கிராம ஊராட்சி சாா்பில், ஊராட்சி பொது நிதி ரூ. 55,000 மதிப்பில் அங்குள்ள சிமென்ட் சாலையானது தண்ணீா்த் தேங்காதபடி சீரமைக்கப்பட்டது.