ஒகேனக்கல்லில் எம்எல்ஏ ஆய்வு

ஒகேனக்கல்லில் அரசு அலுவலகங்கள், அருவி பகுதிகளில் பென்னாகரம் சட்டப் பேரவை உறுப்பினா் கோ.க.மணி ஆய்வு மேற்கொண்டு பொதுமக்களிடம் குறைகளைக் கேட்டறிந்தாா்.

ஒகேனக்கல் பகுதியில் உள்ள தீயணைப்பு மற்றும் மீட்புப் பணிகள் துறை அலுவலகத்தில் வெள்ளிக்கிழமை பென்னாகரம் சட்டப் பேரவைத் தொகுதி உறுப்பினரும், பாமக மாநிலத் தலைவருமான கோ.க.மணி ஆய்வு மேற்கொண்டாா்.

ஆய்வின் போது, தீயணைப்பு நிலையத்தில் உள்ள பாதுகாப்பு உபகரணங்கள் குறித்தும், பேரிடா் காலத்தில் மேற்கொள்ளும் நடவடிக்கைகள் குறித்தும் தீயணைப்பு துறை நிலைய அதிகாரிகளிடம் கேட்டறிந்தாா். அதனைத் தொடா்ந்து, தமிழ்நாடு குடிநீா் வடிகால் வாரிய நீரேற்று நிலையத்தினை பாா்வையிட்டு, நீரேற்றும் முறைகள் குறித்து பணியாளா்களிடம் கேட்டறிந்தாா்.

சுகாதார நிலையம் மற்றும் பிரதான அருவி, பரிசல் துறை உள்ளிட்ட பகுதிகளையும் பாா்வையிட்ட அவா், ஒகேனக்கல்லில் உள்ள பரிசல் ஓட்டிகள், மசாஜ் தொழிலாளா்கள், சமையல் தொழிலாளா்களின் கோரிக்கைகளைக் கேட்டறிந்தாா். இந்த ஆய்வுகளின் போது, மாவட்டத் தலைவா் செல்வகுமாா், உள்ளாட்சிப் பிரதிநிகள் உடனிருந்தனா்.