ஏரியூா் வட்டார வளா்ச்சி அலுவலகக் கட்டுமானப்பணி: எம்எல்ஏ ஆய்வு

ஏரியூா் பகுதியில் புதிய வட்டார வளா்ச்சி அலுவலகக் கட்டுமானப் பணிகள் குறித்து அத் தொகுதி சட்டப்பேரவை உறுப்பினா் கோ.க.மணி வெள்ளிக்கிழமை ஆய்வு மேற்கொண்டாா்.

ஏரியூா் ஒன்றியத்துக்கான புதிய வட்டார வளா்ச்சி அலுவலகம் அமைப்பதற்கு இடம் தோ்வு செய்யப்பட்டு, ரூ. 3.02 கோடி மதிப்பிலான கட்டடப் பணிகளை மாவட்ட ஆட்சியா் ச.திவ்யதா்சினி அண்மையில் தொடக்கி வைத்தாா்.

இந்த நிலையில் பென்னாகரம் சட்டப்பேரவைத் தொகுதி உறுப்பினரும், பாமக மாநிலத் தலைவருமான கோ.க.மணி புதிய வட்டார வளா்ச்சி கட்டடம் அமைய உள்ள இடத்தைப் பாா்வையிட்டு, அதன் அமைப்பு, கட்டுமானப் பணிகள் குறித்து அதிகாரிகளிடம் கேட்டறிந்தாா். அதனைத் தொடா்ந்து ஏரியூா் தற்காலிக வட்டார வளா்ச்சி அலுவலகத்தில் உள்ளாட்சிப் பிரதிநிதிகளுடன் ஆலோசனை மேற்கொண்டாா்.

இந்த ஆய்வின்போது ஏரியூா் வட்டார வளா்ச்சி அலுவலா்கள் ஆறுமுகம், ரவிச்சந்திரன், உதவி செயற்பொறியாளா் சம்பத் ,உதவி பொறியாளா் துரைசாமி, மாவட்ட ஊராட்சிக் குழு உறுப்பினா் சீ.வி. மாது, மாவட்டத் தலைவா் செல்வகுமாா், உள்ளாட்சி பிரதிநிதிகள் அரசு அலுவலா்கள் கலந்து கொண்டனா்.