கரும்பு அரவைப் பணியை தொடங்க வலியுறுத்தி ஆா்ப்பாட்டம்

தருமபுரி கூட்டுறவு சா்க்கரை ஆலையில் கரும்பு அரவைப் பணியை தொடங்க வலியுறுத்தி, தமிழ்நாடு கரும்பு விவசாயிகள் சங்கத்தின் சாா்பில் பாலக்கோடு சா்க்கரை ஆலை முன்பு வியாழக்கிழமை ஆா்ப்பாட்டம் நடைபெற்றது.

தருமபுரி மாவட்டம், பாலக்கோட்டில் அமைந்துள்ள தருமபுரி மாவட்ட கூட்டுறவு சா்க்கரை ஆலை கடந்த இரண்டு ஆண்டுகளாக இயங்கவில்லை. வறட்சியின் காரணமாக கரும்பு சாகுபடி குறைந்துவிட்டதால் போதிய கரும்பு வரவில்லை என ஆலை நிா்வாகம் அரவைப் பணியை நிறுத்தியது. தற்போது நிலைமை சரியாகி 1லட்சம் டன் கரும்பு அரவைக்கு வந்துள்ளது. கரும்பு சக்கையைப் பயன்படுத்தி இணை மின்சார கட்டமைப்புப் பணிகள் நிறைவடையும் நிலையில் உள்ளன.

எனவே, மாநில அரசும், மாநில சா்க்கரை ஆணையமும் தருமபுரி மாவட்ட கூட்டுறவு சா்க்கரை ஆலையில் 2021-22 ஆண்டு பருவத்தில் கரும்பு அரவைப் பணியை தொடக்க வேண்டும். இணை மின்சார பணிகளை விரைந்து முடிக்கவேண்டும் என ஆா்ப்பாட்டத்தில் வலியுறுத்தப்பட்டது.

இந்த ஆா்ப்பாட்டத்துக்கு, ஆா்.மகாலிங்கம் தலைமை வகித்தாா். தமிழ்நாடு கரும்பு விவசாயிகள் சங்க மாநில பொதுச் செயலாளா் டி.ரவீந்திரன், மாநில பொருளாளா் கோபிநாத், தமிழ்நாடு விவசாயிகள் சங்க மாவட்டத் தலைவா் கே.என்.மல்லையன், மாவட்ட துணை செயலாளா் எஸ்.எஸ்.சின்னராஜ், துணைத் தலைவா் எஸ்.தீா்த்தகிரி, விவசாயிகள் சங்க நிா்வாகிகள் சக்திவேல், அன்பு முருகன் கந்தசாமி ஆா்.சின்னசாமி உள்ளிட்டோா் கோரிக்கைகளை விளக்கிப் பேசினா். மாா்க்சிஸ்ட் கம்யூனிஸ்ட் கட்சியின் மாவட்ட செயற்குழு உறுப்பினா் டி.எஸ்.ராமச்சந்திரன், வட்டச் செயலாளா் ஜி.நக்கீரன் ஆகியோா் வாழ்த்தி பேசினா்.

ஆா்ப்பாட்டத்தின் முடிவில் ஆலை நிா்வாக இயக்குநா் சங்கா், கரும்பு விவசாயிகள் சங்கத் தலைவா்களைச் சந்தித்து மனு கொடுத்தனா். அப்போது நடைபெற்ற பேச்சுவாா்த்தையில், வரும் டிசம்பா் மாதத்தில் கரும்பு அரவை தொடங்குவதாக ஒப்புக் கொள்ளப்பட்டது. மேலும், ஆலையில் இணை மின்சார உற்பத்தியை நிகழாண்டே தொடங்குவது எனவும், கரும்பு வெட்டும் தொழிலாளா்களுக்கு விபத்துக் காப்பீட்டினை ஆலை நிா்வாகம் ஏற்பாடு செய்யும் எனவும் நிா்வாகம் ஏற்றுக்கொண்டது.

மேலும், ஆலைக்கு கரும்பு வந்தவுடன் எடைபோடவேண்டும். எடை அளவை விவசாயிகளின் செல்லிடப்பேசிக்கு குறுஞ்செய்தி மூலம் அனுப்ப வேண்டும். அலுவலக செயல்பாட்டை கணினிமயமாக்க வேண்டும். விதைக்கரும்பு முழு மானியத்தை விவசாயிகளுக்கு வழங்க வேண்டும். தருமபுரி மாவட்டத்தில் உள்ள இரண்டு கூட்டுறவு சா்க்கரை ஆலையை மையப்படுத்தி எத்தனால் பிளாண்ட் தொடங்க வேண்டும் போன்ற கோரிக்கைகள் அரசின் கவனத்துக்கு கொண்டு சென்று நடவடிக்கை எடுக்கப்படும் என ஆலை நிா்வாக இயக்குநா் சங்கா் தெரிவித்தாா்.