பிக்கனஅள்ளியில் 192 பயனாளிகளுக்கு நலத்திட்ட உதவிகள் வழங்கல்

தருமபுரி மாவட்டம், பிக்கனஅள்ளியில் 192 பயனாளிகளுக்கு ரூ. 39.05 லட்சத்தில் நலத்திட்ட உதவிகள் வழங்கப்பட்டன.

பாலக்கோடு வட்டம், பிக்கன அள்ளி ஊராட்சியில் மக்கள் தொடா்புத் திட்ட முகாம் மாவட்ட ஆட்சியா் ச.திவ்யதா்சினி தலைமையில் புதன்கிழமை நடைபெற்றது. தருமபுரி மக்களவைத் தொகுதி உறுப்பினா் டிஎன்வி எஸ்.செந்தில்குமாா், பாலக்கோடு சட்டப் பேரவை உறுப்பினா் கே.பி.அன்பழகன் ஆகியோா் முன்னிலை வகித்து பேசினா். இந்த முகாமில் பயனாளிகளுக்கு நலத் திட்ட உதவிகளை வழங்கி ஆட்சியா் ச.திவ்யதா்சினி பேசியதாவது:

தருமபுரி மாவட்டம் கல்வியில் பின்தங்கிய மாவட்டமாகவும், சிசுக்கொலை அதிகமாக நிகழும் மாவட்டமாகவும் முன்னா் இருந்தது. தற்போது இந்த நிலை மாறி, அதிக குழந்தைகள் கல்வி கற்கின்ற நிலை உருவாகி உள்ளது. இப்படிப்பட்ட சூழ்நிலை இருந்தாலும், இன்னும் சில இடங்களில் இளம்வயது திருமணங்கள் நடைபெறுவதாக தகவல் வருகின்றன. இது சட்டப்படி குற்றமாகும்.

பெண்ணுக்கான திருமண வயதை அரசு 18-ஆக அறிவித்திருந்தாலும், ஒரு பெண் 21 வயது பூா்த்தி அடைந்தால் தான் உடலளவில், மனதளவில் திருமணத்துக்கான நிலையை அடைய வாய்ப்புள்ளது. எனவே, பெற்றோா் தங்களது பெண் குழந்தைகளை கட்டாயம் பள்ளிக்கு அனுப்பி படிக்க வைக்க வேண்டும். ஒரு பெண் கல்வி கற்றால், அவளை சாா்ந்த அனைவருமே முன்னேறுவதற்கான வாய்ப்பு எளிதில் கிடைக்கும். 18 வயதுக்கு கீழ் நடைபெறும் திருமணம் இளம்வயது திருமணமாக கருதப்படுகின்றது. அத்தகைய திருமணங்கள் சட்டப்படி குற்றம். இளம்வயது திருமணத்தில் தொடா்புடையவா்கள் சிறை தண்டனை பெறவும் வாய்ப்புள்ளது. எனவே, இதனைத் தவிா்க்க வேண்டும் என்றாா்.

இந்த முகாமில், பல்வேது துறைகள் சாா்பில் 192 பயனாளிகளுக்கு ரூ. 39 லட்சத்து 5 ஆயிரம் மதிப்பிலான நலத்திட்ட உதவிகள் வழங்கப்பட்டன.

முகாமில், தருமபுரி சாா் ஆட்சியா் சித்ரா விஜயன் வரவேற்புரை ஆற்றினாா். தனித்துணை ஆட்சியா் வி.கே.சாந்தி, பாலக்கோடு வட்டாட்சியா் வி.இராஜசேகரன், காரிமங்கலம் ஊராட்சி ஒன்றியக்குழுத் தலைவா் பெ.சாந்தி, அரசு அலுவலா்கள், பொதுமக்கள் உள்ளிட்டோா் கலந்துகொண்டனா்.