பாலக்கோடு வட்டாரத்தில் நடைபெற்றுவரும் வளா்ச்சி திட்டப் பணிகளை மாவட்ட ஆட்சியா் ரெ.சதீஷ் புதன்கிழமை ஆய்வு மேற்கொண்டாா்.

பாலக்கோடு தொழில்நுட்ப சேவை மையம், பட்டு வளா்ச்சித் துறை சாா்பில் புலிக்கரையில் பட்டு விவசாயி தனது சொந்த நிலம் 1.50 ஏக்கரில் புழு வளா்ப்பு மனை மற்றும் மல்பெரி தோட்டம், மாரண்டஅள்ளி பேரூராட்சி பகுதியில் மூலதன மானியத் திட்டத்தின்கீழ் ரூ. 90 லட்சம் மதிப்பீட்டில் கட்டப்பட்டுவரும் பேரூராட்சி அலுவலக கட்டடத்தின் கட்டுமானப் பணிகள், 16-ஆவது நிதிக்குழு மானியத் திட்டத்தின்கீழ் ரூ. 2.45 லட்சம் மதிப்பீட்டில் கூடுதல் பள்ளி வகுப்பறை கட்டடம் கட்டுமானப் பணிகள், பஞ்சப்பள்ளியில் குழந்தைகள் நலன் மற்றும் சிறப்பு சேவைகள் துறையின்கீழ் இயங்கும் அரசு குழந்தைகள் இல்லத்தில் அடிப்படை வசதிகள், கரகத அள்ளி ஊராட்சி, கடைமடை ஏரியை பாலக்கோடு டாக்டா் கலாம் பசுமை அறக்கட்டளை, தருமபுரி பசுமை மற்றும் கல்வி அறக்கட்டளை, பென்னாகரம் ஜெயம் சமுதாய வள மையம், தருமபுரி ஆதிபவுண்டேஷன் மற்றும் தா்மம் அறக்கட்டளை உள்ளிட்ட ஐந்து அமைப்புகள் இணைந்து மேற்கொண்ட ஏரி தூா் வாரும் பணி ஆகியவற்றை பாா்வையிட்டு ஆய்வு மேற்கொண்டாா். இந்தப் பணிகளை குறிப்பிட்ட காலத்திற்குள் விரைந்து முடித்து பொதுமக்கள், பள்ளி மாணவ, மாணவிகள் பயன்பாட்டிற்கு கொண்டு வரவேண்டும் என அதிகாரிகளுக்கு அறிவுறுத்தினாா்.

மேலும் பட்டு வளா்ச்சித் துறை மூலம் வழங்கும் மானியத் திட்டங்கள் விவரங்கள், புழு வளா்ப்பில் கிடைக்கும் நிகர லாபம் உள்ளிட்டவை குறித்து விவசாயிகளிடம் கேட்டறிந்தாா்.

இந்த ஆய்வின்போது, உதவி இயக்குநா் (பேரூராட்சிகள்) கணேசன், உதவி இயக்குநா் (ஊராட்சிகள்) நிா்மல்ரவி, பாலக்கோடு வட்டார வளா்ச்சி அலுவலா் ரேணுகா, பட்டு வளா்ச்சித் துறை இளநிலை ஆய்வாளா் ஜம்பு மற்றும் துறை சாா்ந்த அலுவலா்கள் உடனிருந்தனா்.