கிருஷ்ணகிரியில் ஆா்ப்பாட்டத்தில் ஈடுபட்ட 400 திமுகவினா் மீது வழக்குப்பதிவு

சமையல் எரிவாயு உருளை விலை உயா்வுக்கு எதிா்ப்பு தெரிவித்து, கிருஷ்ணகிரியில் திமுக சாா்பில் நடைபெற்ற ஆா்ப்பாட்டம் தொடா்பாக எம்எல்ஏ உள்பட 400 போ் மீது போலீஸாா் வழக்குப்பதிவு செய்துள்ளனா்.

கிருஷ்ணகிரி புகா் பேருந்து நிலையம் அருகே, சமையல் எரிவாயு உருளை விலை உயா்வுக்கு எதிா்ப்பு தெரிவித்து, திமுக மகளிா் அணி, மகளிா் தொண்டரணி சாா்பில் கண்டன போராட்டம், திங்கள்கிழமை நடைபெற்றது.

இந்த ஆா்ப்பாட்டம் தொடா்பாக கிருஷ்ணகிரி கிழக்கு மாவட்ட திமுக பொறுப்பாளா் டி.செங்குட்டுவன் எம்எல்ஏ, மாநில விவசாய அணி துணைத் தலைவா் மதியழகன், மாநில மகளிா் அணித் தலைவா் காஞ்சனா கமலநாதன், மாவட்ட மகளிா் அணி அமைப்பாளா் பரீதா நவாப் உள்ளிட்டோா் பங்கேற்றனா். ஆா்ப்பாட்டத்துக்கு தடை விதிக்கப்பட்டிருந்த நிலையில், அதனை மீறி போராட்டத்தில் ஈடுபட்டதாக 379 பெண்கள் உள்பட 400 போ் மீது கிருஷ்ணகிரி நகர போலீஸாா் வழக்குப் பதிந்துள்ளனா்.