பாலக்கோடு அருகே 960 போலி மதுப்புட்டிகள் பறிமுதல்: இருவா் கைது

கா்நாடகத்திலிருந்து கடத்தி வரப்பட்ட 960 போலி மதுப்புட்டிகளை தருமபுரி மாவட்ட மதுவிலக்கு அமலாக்கப் பிரிவு போலீஸாா் பறிமுதல் செய்து, இருவரை கைது செய்தனா்.

கா்நாடக மாநிலத்திலிருந்து தருமபுரி மாவட்டம் வழியாக மதுப்புட்டிகள் கடத்தப்படுவதாக மதுவிலக்கு அமலாக்கப் பிரிவு காவல் கண்காணிப்பாளா் பிரவேஷ் குமாருக்கு ரகசிய தகவல் கிடைத்தது. இதையடுத்து, தருமபுரி மவட்ட மதுவிலக்கு அமலாக்கப் பிரிவு காவல் ஆய்வாளா் ரங்கசாமி தலைமையில் போலீஸாா், பாலக்கோட்டை அடுத்த வெள்ளிசந்தை அருகே வாகனத் தணிக்கையில் ஞாயிற்றுக்கிழமை ஈடுபட்டனா். 

அப்போது, அந்த வழியாக வந்த மாருதி காா், மோட்டாா் சைக்கிள் ஆகியவற்றைத் தடுத்து நிறுத்த முயன்றனா். ஆனால், அந்த வாகனங்கள் நிற்காமல் சென்ால் போலீஸாா் துரத்திச் சென்று வாகனங்களைத் தடுத்தி நிறுத்தி சோதனை செய்தனா். இந்தச் சோதனையில் காரில் 960 போலி மதுப்புட்டிகள் கடத்தி வந்தது தெரியவந்தது. 

இதுகுறித்து போலீஸாா் விசாரணை நடத்தியதில், போலி மதுப்புட்டிகளைக் கடத்தி வந்த மோட்டாா் சைக்கிளை ஓட்டி வந்தவா், தருமபுரி மாவட்டம், பாப்பாரப்பட்டியைச் சோ்ந்த மணி (53), காரை ஓட்டி வந்தவா் கா்நாடக மாநிலம், ஆனைக்கல்லைச் சோ்ந்த சீராஜ்தீன்கான் (31) என்பதும், மணி ஏற்கெனவே, போலிமதுப்புட்டிகளை கடத்திய வழக்கில் கைது செய்யப்பட்டவா் என்பதும் தெரியவந்தது.

மேலும், இவா்கள் கா்நாடக மாநிலம், கள்ளுப்பள்ளியிலிருந்து தருமபுரி மாவட்டத்தில் விற்பனை செய்வதற்காக போலி மதுப்புட்டிகளை கடத்தி வந்ததுள்ளதாகவும், இவற்றின் மதிப்பு ரூ. 7 லட்சம் என்றும் போலீஸாா் தெரிவித்தனா்.

அவா்கள் இருவரையும் கைது செய்த போலீஸாா், கடத்தலுக்கு பயன்படுத்திய வாகனங்களையும் பறிமுதல் செய்தனா்.