கிருஷ்ணகிரி மாவட்டத்தில் இறுதி வாக்காளா் பட்டியல் ஆய்வுக் கூட்டம்

கிருஷ்ணகிரி மாவட்டத்தில் இறுதி வாக்காளா் பட்டியல் வெளியிடுவது தொடா்பான ஆய்வுக் கூட்டம், கிருஷ்ணகிரியில் புதன்கிழமை நடைபெற்றது.

இந்திய தோ்தல் ஆணைய உத்தரவின்படி, 01.01.2022 தேதியினை மைய நாளாகக் கொண்டு 18 வயது பூா்த்தியடைந்தவா்கள், 18 வயது நிறைவடைந்து இதுவரை வாக்காளா் பட்டியலில் பெயா் சோ்க்காதவா்கள், வாக்காளா் பட்டியலில் தங்கள் பெயரை சோ்த்துக்கொள்ளும் வகையில், நவ. 1 முதல் 30-ஆம் தேதி வரை சிறப்பு சுருக்கமுறை திருத்தம் நடைபெற்றது.

இப் பணிகளை பாா்வையிட கிருஷ்ணகிரி மாவட்டத்துக்கு தமிழ்நாடு கைவினை தொழில் வளா்ச்சிக் கழக மேலாண் இயக்குநா் வெ.ஷோபனாவை தோ்தல் பாா்வையாளராக நியமித்து தோ்தல் ஆணையம் உத்தரவிட்டது.

முதற்கட்டமாக நவ. 20-ஆம் தேதி கிருஷ்ணகிரி மாவட்டத்துக்கு வருகை தந்த அவா், வாக்காளா் பட்டியல் சிறப்பு முகாம்களை பாா்வையிட்டு, சுருக்கமுறை திருத்தம் தொடா்பாக பொதுமக்களிடம் போதிய விழிப்புணா்வு ஏற்படுத்தி, அதிக எண்ணிக்கையிலான புதிய வாக்காளா்களையும், இளம் வாக்காளா்களையும் பட்டியலில் சோ்க்க அறிவுரைகளை வழங்கினாா்.

இரண்டாவதுகட்டமாக டிச. 8-ஆம் தேதி வந்த அவா், கிருஷ்ணகிரி மாவட்டத்தில் வாக்காளா் சிறப்பு சுருக்கமுறை திருத்தத்தின் போது பெறப்பட்ட வாக்காளா் பெயா் சோ்த்தல், நீக்கல், திருத்தம் தொடா்பான விண்ணப்பங்கள் ஆய்வு செய்யப்பட்டு விண்ணப்பங்களை கணினி மென்பொருளில் உள்ளீடு செய்யும் பணிகளின் முன்னேற்றம் ஆய்வு செய்யப்பட்டு துரிதப்படுத்த அறிவுரை வழங்கினாா்.

இதன் தொடா்ச்சியாக, கிருஷ்ணகிரி மாவட்ட ஆட்சியா் அலுவலக கூட்ட அரங்கில் கிருஷ்ணகிரி மாவட்டத்தில் வாக்காளா் சிறப்பு சுருக்கமுறை திருத்தத்தின் விண்ணப்பங்கள், கணினி மென்பொருளில் உள்ளீடு பணிகள் மேற்கொள்வது, வாக்குச்சாவடி நிலை அலுவலா்களின் களப்பணி பதிவேடு பராமரிப்பு, இறுதி வாக்காளா் பட்டியல் வெளியிடுவது சம்பந்தமான பணி முன்னேற்றம் குறித்த ஆய்வுக் கூட்டம் புதன்கிழமை நடைபெற்றது.

இந்தக் கூட்டத்துக்கு வெ.ஷோபனா தலைமை வகித்தாா். மாவட்ட வருவாய் அலுவலா் ராஜேஸ்வரி, ஆட்சியரின் நோ்முக உதவியாளா் முருகன் உள்ளிட்டோா் பங்கேற்றனா்.