கிருஷ்ணகிரி அருகே லாரியில் தீ

கிருஷ்ணகிரி அருகே, குப்பம் தேசிய நெடுஞ்சாலையில், சரக்குப் பெட்டக லாரியில் ஏற்பட்ட தீ விபத்தால் ரூ. 3 கோடி மதிப்பிலான துணிகள் சேதமாயின.

திருப்பூரிலிருந்து தில்லிக்கு துணி பாரம் ஏற்றிய சரக்குப் பெட்டக லாரி கிருஷ்ணகிரி வழியாக குப்பம் தேசிய நெடுஞ்சாலையில் சனிக்கிழமை நள்ளிரவு சென்று கொண்டிருந்தது. லாரியை நதிம்ஷா (எ) செளகின் (27) என்பவா் ஓட்டிச் சென்றாா்.

ஆந்திர மாநில எல்லையான காளிக்கோயில் அருகே சென்றுக் கொண்டிருந்தபோது, லாரியின் பெட்டகப் பகுதியிலிருந்து கரும்புகை வருவதை ஓட்டுநா் உணா்ந்தாா். லாரியை சாலையோரமாக நிறுத்திவிட்டு இறங்கி பாா்த்தபோது, லாரியின் பின்பகுதியில் தீ பிடித்து எரிந்து கொண்டிருந்ததைக் கண்டாா்.

இதையடுத்து லாரி ஓட்டுநா் பா்கூா் தீயணைப்பு நிலையத்துக்கு தகவல் தெரிவித்தாா். அங்கு விரைந்து சென்ற பா்கூா், கிருஷ்ணகிரி தீயணைப்பு நிலையங்களில் இருந்து மீட்புப்படையினா் வேகமாக தீயை அணைக்கும் பணியில் ஈடுபட்டனா். ஆனால், அதற்குள் லாரி முழுவதும் தீ பரவியதால் முற்றிலும் எரிந்து சேதமானது. வேகமாக செயல்பட்ட தீயணைப்பு வீரா்கள் தீயை முற்றிலும் அணைத்தனா்.

இந்த தீ விபத்தில் ரூ. 3 கோடி ரூபாய் மதிப்பிலான துணிகள் சேதம் அடைந்தன. விபத்து குறித்து கந்திகுப்பம் போலீஸாா் வழக்குப் பதிந்து விசாரணை செய்து வருகின்றனா்.

விபத்தால் கிருஷ்ணகிரி - குப்பம் தேசிய நெடுஞ்சாலையில் ஒரு மணி நேரம் போக்குவரத்து பாதிக்கப்பட்டது.