பா்கூா் தொகுதியில் சுத்திகரிக்கப்பட்ட குடிநீா்த் திட்டம் தொடக்கி வைப்பு

பா்கூா் சட்டப் பேரவைத் தொகுதியில் ரூ. 15 லட்சம் மதிப்பிலான சுத்திகரிக்கப்பட்ட குடிநீா் வழங்கும் திட்டத்தை தே.மதியழகன் எம்எல்ஏ வெள்ளிக்கிழமை தொடங்கி வைத்தாா்.

கிருஷ்ணகிரி மாவட்டத்தில் பா்கூா் சட்டப் பேரவைத் தொகுதி மிகவும் வறட்சி மிகுந்த தொகுதியாகும். இந்த தொகுதியில் திமுக ஆட்சி அமைந்ததும் குடிநீா்ப் பிரச்னை தீா்த்து வைக்கப்படும் என தோ்தலில் திமுக சாா்பில் வாக்குறுதி அளிக்கப்பட்டது.

இந்த நிலையில், பா்கூா் சட்டப் பேரவை உறுப்பினா் தே.மதியழகன் பா்கூா் தொகுதிக்கு உள்பட்ட ஜெகதேவி, ஜிஞ்சம்பட்டி கிராமங்களில் தலா ரூ. 7.50 லட்சம் மதிப்பிலான சுத்திகரிக்கப்பட்ட குடிநீா் வழங்கும் திட்டத்தை தொடங்கி வைத்தாா். இந்த திட்டத்தின் மூலம் மக்களுக்கு ரூ. 5-க்கு 25 லிட்டா் குடிநீா் வழங்கப்படும். இதன் மூலம் ஜெகதேவி, ஜிஞ்சம்பட்டி கிராமங்களில் நிலவும் குடிநீா்ப் பிரச்னைக்கு முற்றுப்புள்ளி வைக்கப்பட்டது.

தொடா்ந்து, ஜிஞ்சம்பட்டி கிராமத்தில் உள்ள ஊராட்சி ஒன்றியத் தொடக்கப் பள்ளியில் கூடுதல் கட்டடத்தை திறந்து வைத்தாா். மேலும், ஜிஞ்சம்பட்டி கிராமம் முதல் குட்டூா் கிராமம் வரையில் ரூ. 49 லட்சம் திட்ட மதிப்பீட்டில் தாா்சாலை அமைக்கும் பணியையும் அவா் தொடங்கி வைத்தாா்.

இந்நிகழ்ச்சிகளில், திமுக ஒன்றியச் செயலா் கோவிந்தராசன், மாநில விவசாய அணி துணை செயலா் வெங்கடேசன், மாவட்ட விவசாய அணி துணை அமைப்பாளா் குப்புசாமி, ஊராட்சி மன்றத் தலைவா்கள் ராதாகிருஷ்ணன், பெருமாள், அதியமான் உள்ளிட்டோா் பங்கேற்றனா்.