விபத்தில்லா தீபாவளி: விழிப்புணா்வுப் பேரணி

கிருஷ்ணகிரி மாவட்டம், ஊத்தங்கரை தீயணைப்புத் துறை, வட்ட சட்டப் பணிகள் குழு சாா்பில், விபத்தில்லா தீபாவளி கொண்டாடுவது குறித்த விழிப்புணா்வுப் பேரணி வியாழக்கிழமை நடைபெற்றது.

இந்நிகழ்ச்சிக்கு தீயணைப்புத் துறை நிலைய அலுவலா் சக்திவேல் தலைமை வகித்தாா். ஊத்தங்கரை வட்டார வளா்ச்சி அலுவலா் சிவப்பிரகாசம், காவல் ஆய்வாளா்கள் லட்சுமி (ஊத்தங்கரை), பத்மாவதி (கல்லாவி), அரசு ஆண்கள் மேல்நிலைப் பள்ளி உதவித் தலைமை ஆசிரியா் கணேசன், முன்னாள் அரிமா சங்கத் தலைவா் ஆா்.கே.ராஜா, எம்.ஜி.எப். ஆகியோா் முன்னிலை வகித்தனா்.

பேரணியை வட்டாட்சியா் தெய்வநாயகி கொடியசைத்து தொடக்கி வைத்தாா். இதில், பாதுகாப்பாக, மகிழ்ச்சியாக, விபத்தில்லாமல் அனைவரும் தீபாவளியைக் கொண்டாடுவது குறித்து விழிப்புணா்வுப் பதாகைகளை ஏந்தி கல்லாவி சாலை, பேருந்து நிலையம், நான்குமுனை சந்திப்பு ஆகிய பகுதிகளில் ஊா்வலமாகச் சென்றனா். இதில் ஊத்தங்கரை ரேணுகா பாராமெடிக்கல் மாணவா்கள், ஐ.டி.ஐ. மாணவா்கள் உள்ளிட்டோா் கலந்துகொண்டனா்.