மாட்டு வண்டியில் மணல் கடத்தியவா் கைது

சிங்காரப்பேட்டை பகுதியில் உரிய அனுமதியின்றி மாட்டு வண்டியில் மணல் கடத்தியவா் கைது செய்யப்பட்டாா்.

சிங்காரப்பேட்டை, மாரியம்மன் திரையரங்கு பகுதியைச் சோ்ந்தவா் பெருமாள் (40). இவா் ஊத்தங்கரையை அடுத்த சிங்காரப்பேட்டை அருகே உள்ள தீா்த்தகிரிவலசை பெரிய ஏரிக்கு நீா் வரும் வழித்தடத்தில் உள்ள பாதையில் இருந்து மாட்டு வண்டியில் மணல் ஏற்றி கொண்டு சென்று கொண்டிருந்தாா். அப்போது அவ்வழியே ரோந்து சென்ற போலீஸாா் பெருமாளின் மாட்டு வண்டியை நிறுத்தி சோதனையிட்ட போது, உரிய அனுமதியின்றி மணல் கடத்தியது தெரிய வந்தது. இதையடுத்து சிங்காரப்பேட்டை போலீஸாா், பெருமாளை கைது செய்து அவா்மீது வழக்குப்பதிந்து மாட்டு வண்டியை பறிமுதல் செய்தனா். சிங்காரப்பேட்டை போலீஸாா் தொடா்ந்து விசாரித்து வருகின்றனா்.