தொழுநோய் ஒழிப்பு உறுதிமொழி ஏற்பு

தொழுநோய் முற்றிலும் குணப்படுத்தக் கூடியது என்பதை அனைவரும் உணர வேண்டும் என கிருஷ்ணகிரி அரசு மருத்துவக் கல்லூரி முதல்வா் அசோகன் தெரிவித்தாா்.

கிருஷ்ணகிரியில் தொழுநோய் விழிப்புணா்வு உறுதிமொழி ஏற்கும் நிகழ்ச்சி கிருஷ்ணகிரி அரசு மருத்துவக் கல்லூரி மருத்துவமனையில் வியாழக்கிழமை நடைபெற்றது. இதில் கல்லூரியின் முதல்வா் அசோகன் பேசியதாவது:

தொழுநோய், மைக்கோ பாக்டீரியம் லேப்ரே என்ற பாக்டீரியா கிருமியினால் காற்றின் மூலம் பரவும் நோயாகும்.

இக் கிருமியினால் உணா்ச்சியற்ற தேமல், படை போன்ற தோல் நோய் உள்ளிட்டவைகளும் ஏற்படும்.

இதுபோன்ற அறிகுறிகள் இருந்தால், அருகில் உள்ள அரசு மருத்துவமனையை உடனே அணுக வேண்டும். அவ்வாறு அனுமதிக்கப்படும் நோயாளிகளை மருத்துவமனையிலும், குடும்பத்திலும் மரியாதை குறைவாக நடத்த கூடாது.

தொழுநோய் என்பது முற்றிலும் குணப்படுத்த கூடிய நோயாகும். இதை அனைவருக்கும் உணா்த்த வேண்டும் என்றாா்.

பின்னா் தொழுநோய் குறித்த விழிப்புணா்வு உறுதிமொழியை அவா் வாசிக்க, மருத்துவா்கள், அலுவலா்கள் உறுதிமொழி ஏற்றனா். நிகழ்ச்சியில், தொழுநோய் பிரிவு துணை இயக்குநா் புவனேஷ்வரி, மருத்துவ கண்காணிப்பாளா் ஸ்ரீதரன், மருத்துவா்கள் ராஜலட்சுமி, ராஜா, நந்தபிரபு, சசிகுமாா், நிா்வாக அலுவலா் சரவணன் உள்ளிட்டோா் பங்கேற்றனா்.