ஒசூருக்கு மே 22 ஆம் தேதி திமுக இளைஞரணி மாநிலச் செயலாளா் உதயநிதிஸ்டாலின் வருகிறாா் என எம்எல்ஏ ஒய்.பிரகாஷ் தெரிவித்தாா்.

கிருஷ்ணகிரி மேற்கு மாவட்ட திமுக அவசர செயற்குழுக்

கூட்டம் ஒசூரில் வெள்ளிக்கிழமை நடைபெற்றது. இந்தக் கூட்டத்துக்கு மாவட்ட அவைத் தலைவா் அ.யுவராஜ் தலைமை வகித்தாா். மாநகர பொறுப்பாளரும், ஒசூா்

மாநகராட்சி மேயருமான எஸ்.ஏ.சத்யா, முன்னாள் எம்எல்ஏ பி.முருகன், தலைமை செயற்குழு உறுப்பினா் சுகுமாரன், மாநில சிறுபான்மை பிரிவு துணைச் செயலாளா் விஜயகுமாா், துணை மேயா் ஆனந்தய்யா, மாவட்ட இளைஞரணி அமைப்பாளா் சீனிவாசன் ஆகியோா் முன்னிலை வகித்தனா். இக் கூட்டத்தில், கிருஷ்ணகிரி மேற்கு மாவட்ட திமுக செயலாளரும், ஒசூா் எம்எல்ஏவுமான ஒய்.பிரகாஷ் பேசினாா்.

இக்கூட்டத்தில் மே மாதம் 22-ம் தேதி ஒசூா் வருகை தரும் மாநில இளைஞரணி செயலாளரும் சேப்பாக்கம் தொகுதி எம்எல்ஏவுமான உதயநிதி

ஸ்டாலினுக்கு மேற்கு மாவட்டம் சாா்பில் சிறப்பான வரவேற்பு அளிப்பது, திமுக அரசின் ஓராண்டு சாதனைகள் குறித்த பொதுக்கூட்டங்களை நடத்துவது என்றும் கட்சிப் பணிகள் குறித்தும் ஆலோசிக்கப்பட்டது.

இந்தக் கூட்டத்தில் தகவல் தொழில்நுட்பப் பிரிவு

செயலாளா் வடிவேல், பூனப்பள்ளி ஊராட்சி செயலாளா் மஞ்சுநாதப்பா, மாணவரணி மாவட்ட துணை அமைப்பாளா் ஜெய்ஆனந்த், பொறியாளா் அணி மாவட்ட அமைப்பாளா் ஞானசேகரன், ஒன்றிய, மாநகர,

பேரூா் செயலாளா்கள், அமைப்பாளா்கள், வாா்டு செயலாளா்கள் உள்ளிட்ட பலா் கலந்துகொண்டனா்.