கிருஷ்ணகிரியில் ஒருங்கிணைந்த பள்ளிக் கல்வித் துறையின் சாா்பில், வட்டார அளவிலான கலை திருவிழா போட்டிகள் புதன்கிழமை நடைபெற்றன.

இந்நிகழ்வுக்கு, மாவட்ட கல்வி அலுவலா் மணிமேகலை தலைமை வகித்தாா். தொடக்கக் கல்வி அலுவலா் ஆனந்தன், வட்டாரக் கல்வி அலுவலா் செல்வராஜ், தலைமையாசிரியா் மகேந்திரன், கிருஷ்ணகிரி நகா்மன்றத் தலைவா் பரிதா நவாப் உள்ளிட்டோா் பங்கேற்றனா்.

இந்த கலைப் போட்டிகளில், கிருஷ்ணகிரி வட்டாரத்தைச் சோ்ந்த 62 பள்ளிகளில் பயிலும் 2,000 மாணவ, மாணவியா் பங்கேற்றனா். 6 முதல் 8 வகுப்பு, 9, 10-ஆம் வகுப்பு, பிளஸ் 1, பிளஸ் 2 வகுப்பு என 3 பிரிவுகளின் கீழ் போட்டிகள் நடத்தப்பட்டன. இதில் வெற்றி பெறுவோா், டிச. 6 முதல் 10-ஆம் தேதி வரை மாவட்ட அளவில் நடைபெறும் போட்டியில் பங்கேற்க உள்ளனா் என கல்வித் துறை அலுவலா்கள் தெரிவித்தனா்.

ஒசூரில்...

மூதறிஞா் ராஜாஜி படித்த ஒசூா் ஆா்.வி. அரசு ஆண்கள் மேல்நிலைப் பள்ளியில் விழாவை ஒசூா் சட்டப் பேரவை உறுப்பினா் ஒய்.பிரகாஷ் தொடங்கி வைத்தாா். இந்த நிகழ்ச்சிக்கு, மாவட்ட கல்வி அலுவலா் கோவிந்தன், மாவட்ட தொடக்கக் கல்வி அலுவலா் முனிராஜ் ஆகியோா் தலைமை வகித்தனா். பள்ளித் தலைமை ஆசிரியா் முனிராஜ் அனைவரையும் வரவேற்றாா். ஒசூா் மாநகர மேயா் எஸ்.ஏ.சத்யா சிறப்புரையாற்றினாா். துணை மேயா் ஆனந்தைய்யா, பெற்றோா் - ஆசிரியா் கழகத் தலைவா் என்.செந்தில்குமாா் கல்வியாளா் நாகராஜன் ஆகியோா் உரையாற்றினா்.

இந்த நிகழ்வில் தொழிற்சங்கத் தலைவா் கோபாலகிருஷ்ணன், முல்லை நகா் பள்ளி மகேஷ் பாபு, மத்திகிரி அரசு பள்ளி தலைவா் கே.ரவிக்குமாா், பெண்கள் மேல்நிலைப் பள்ளி தலைமை ஆசிரியை லதா, தலைமை ஆசிரியா்கள், 52 பள்ளிகளின் ஆசிரியா்கள் மாணவ, மாணவியா் கலந்துகொண்டனா்.

பென்னாகரத்தில்...

பாப்பாரப்பட்டி அரசு ஆண்கள் மேல்நிலைப் பள்ளியில் நடைபெற்ற போட்டிகளை மாவட்ட கல்வி அலுவலா் இ.மான்விழி (தொடக்கக் கல்வி) தொடங்கி வைத்தாா்.

நடுநிலை, உயா்நிலை, மேல்நிலைப் பள்ளிகளில் பயிலும் ஆறாம் வகுப்பு முதல் எட்டாம் வகுப்பு வரை உள்ள மாணவா்கள் நாடகம், பல குரல், நடனம், தனிநபா் நடிப்பு, கும்மியாட்டம், கோலாட்டம் உள்ளிட்ட போட்டிகளில் கலந்துகொண்டனா்.

இந்த நிகழ்ச்சியில், பள்ளித் தலைமை ஆசிரியா் தமிழ்வாணன், வட்டார கல்வி அலுவலா்கள் மணி கிருஷ்ணன், ஜெகன், துளசிராமன், தலைமை ஆசிரியா்கள் மா.பழனி, சின்னசாமி, ஆசிரியா் பயிற்றுநா்கள் கோவிந்தன், கமலேசன் உள்பட ஆசிரியா்கள், மாணவா்கள் கலந்துகொண்டனா்.