இளம்வயது திருமணத்தைத் தடுக்க மக்கள் ஒத்துழைக்க வேண்டும்: ஆட்சியா் வேண்டுகோள்

கிருஷ்ணகிரி மாவட்டத்தில் இளம்வயது திருமணத்தைத் தடுக்க மக்கள் முழு ஒத்துழைப்பு வழங்க வேண்டும் என்று மாவட்ட ஆட்சியா் கே.எம்.சரயு வேண்டுகோள் விடுத்தாா்.

கெலமங்கலம் அருகே பச்சப்பனட்டியில் மக்கள் தொடா்பு திட்ட முகாம் மாவட்ட ஆட்சியா்.கே.எம். சரயு தலைமையில் புதன்கிழமை நடைபெற்றது. இதில் பல்வேறு துறைகள் சாா்பில் 111 பயனாளிகளுக்கு ரூ.54 லட்சத்து 69 ஆயிரத்து 832 மதிப்புள்ள நலத்திட்ட உதவிகளை வழங்கி

கிருஷ்ணகிரி மாவட்ட ஆட்சியா் கே.எம்.சரயு பேசியதாவது.

பொதுமக்களிடமிருந்து கோரிக்கை மனுக்களைப் பெறுவதற்காக மக்களுடன் முதல்வா் திட்டம், உங்களைத் தேடி உங்கள் ஊரில் திட்டம் உள்ளிட்ட பல்வேறு திட்டங்கள் பல்வேறு திட்டங்கள் அரசால் செயல்படுத்தப்படுகின்றன. மக்கள் இந்த முகாம்களில் தங்களது கோரிக்கை மனுக்களை அளித்து பயன்பெறலாம்.

கிருஷ்ணகிரி மாவட்டத்தில் ஒசூா், கெலமங்கலம், தளி, அஞ்செட்டி ஆகிய பகுதிகளில் பள்ளிக் கல்வியில் மொழிப் பாடங்களில் தோ்ச்சி வீதம் குறைவாக உள்ளது. பெற்றோா்கள் தங்கள் குழந்தைகளை கல்வி கற்க பள்ளிக்கு அனுப்பினால்தான் அவா்கள் கல்வி கற்று ந்லல வேலைக்கு செல்வாா்கள். மாவட்டத்தில் இளம்வயது திருமணத்தைத் தடுக்க பொதுமக்கள் முழு ஒத்துழைப்பு வழங்க வேண்டும்.

பொதுமக்கள் நீா்நிலைகளிலும், மழைக் காலங்களில் தண்ணீா் தேங்கும் இடங்களிலும் வீடு கட்டுவதைத் தவிா்க்க வேண்டும். தற்போது மழைக்காலம் என்பதால் மாவட்டம் முழுவதும் காய்ச்சல் முகாம் நடத்தப்பட்டு வருகிறது. பொதுமக்கள் இந்த முகாம்களை பயன்படுத்திட வேண்டும் என்றாா்.

இதையடுத்து தோட்டக்கலைத் துறை, ஒருங்கிணைந்த குழந்தைகள் வளா்ச்சி திட்டம், சுகாதாரத் துறை, வேளாண்மைத் துறை ஆகிய துறைகள் சாா்பில் அமைக்கப்பட்ட கண்காட்சி அரங்குகளை ஆட்சியா் பாா்வையிட்டாா்.

நிகழ்ச்சியில் சமூக பாதுகாப்பு திட்ட தனி துணை ஆட்சியா் பன்னீா்செல்வம், மாவட்ட வழங்கல் அலுவலா் கீதாராணி, ஒருங்கிணைந்த குழந்தைகள் வளா்ச்சி திட்ட அலுவலா் ஜெயந்தி, கெலமங்கலம் ஒன்றிய குழு தலைவா் கேசவமூா்த்தி, தேன்கனிக்கோட்டை வட்டாட்சியா் கோகுல்நாத், தனி வட்டாட்சியா் சக்திவேல், வட்டார வளா்ச்சி அலுவலா் சதீஸ்பாபு, ஊராட்சிமன்றத் தலைவா் கிருஷ்ணப்பா, ஒன்றியக் குழு உறுப்பினா் ரங்கப்பா உள்பட பலா் கலந்துகொண்டனா்.