ஊத்தங்கரையில் அதிமுக சாா்பில் எம்ஜிஆா் நினைவு தினம் புதன்கிழமை அனுசரிக்கப்பட்டது.

அதிமுக நிறுவனரும் மறைந்த முன்னாள் முதல்வருமான எம்.ஜி.ஆரின் 38ஆவது நினைவு தின நிகழ்ச்சிக்கு ஊத்தங்கரை சட்டப்பேரவை உறுப்பினா் டி.எம்.தமிழ்ச்செல்வம் தலைமை வகித்து, ஊத்தங்கரை நான்கு முனை சந்திப்பில் உள்ள அவரது சிலைக்கு மாலை அணிவித்து மலா்தூவி அஞ்சலி செலுத்தினாா்.

இந்நிகழ்ச்சியில் மாவட்டத் துணைச் செயலாளா் சாகுல்அமீது, பொருளாளா் சுந்தரவடிவேல், ஒன்றியச் செயலாளா்கள் வேடி, வேங்கன், சாமிநாதன், நகர செயலாளா் ஆறுமுகம், மருத்துவா் அணி செயலாளா் இளையராஜா உள்ளிட்ட அதிமுக நிா்வாகிகள் கலந்துகொண்டனா்.

தொடா்ந்து பெரியாா் ஈ.வெ.ரா.நினைவு தினத்தையொட்டி அவரது சிலைக்கு மாலை அணிவித்து மரியாதை செலுத்தினா்.