நாமக்கல் வேளாண் சங்கத்தில் ரூ. 22 லட்சத்துக்குப் பருத்தி ஏலம் நடைபெற்றது.

நாமக்கல்-திருச்செங்கோடு சாலையில் வேளாண் உற்பத்தியாளா்கள் விற்பனை கூட்டுறவுச் சங்கம் செயல்பட்டு வருகிறது. இங்கு வாரந்தோறும் செவ்வாய்க்கிழமை பருத்தி ஏலம் நடைபெறும். நாமக்கல் மாவட்டத்தின் பல்வேறு பகுதியில் இருந்தும் விவசாயிகள் பருத்தியை ஏலத்துக்குக் கொண்டு வருவா்.

அதன்படி செவ்வாய்க்கிழமை அன்று 1,500 மூட்டை பருத்தி வரத்து இருந்தது. ஏலத்தில் ஆா்.சி.ஹெச். ரகம் ரூ. 4,100 முதல் ரூ. 5,030 வரையிலும், டி.சி.ஹெச். ரகம் ரூ. 4,450 முதல் ரூ. 5,115 வரையிலும் விலைபோனது. மொத்தம் ரூ. 22 லட்சத்துக்கு பருத்தி ஏலம் நடைபெற்றது. சேலம், கோவை, திருப்பூா், ஈரோடு, கரூா் மாவட்ட வியாபாரிகள் பருத்தியைக் கொள்முதல் செய்தனா்.