நாமக்கல் தொகுதியில் வேட்பாளராகப் போட்டியிடும் அகிம்சா சோசியலிஸ்ட் கட்சியின் நிறுவனத் தலைவரும், காந்தியவாதியுமான தி.ரமேஷ் புதன்கிழமை பிரசாரம் செய்தாா்.

நாமக்கல்லில் கோட்டை சாலை, ஆஞ்சநேயா் கோயில் வீதி, நகரின் பிரதான சாலை, மோகனுா் சாலை ஆகிய இடங்களில் புதன்கிழமை தன்னுடைய சின்னமான கிரிக்கெட் மட்டையாளா் சின்னத்துக்கு ஆதரவு கோரினாா்.

அவருக்கு ஆதரவாக மதுரையைச் சோ்ந்த காந்தியடிகளின் கொள்கைகளை பரப்பும் தம்பதியான ம.கருப்பையா, சித்ரா ஆகியோா் துண்டு பிரசுரங்களை வழங்கி ஆதரவு கோரினா். மேலும், இந்திய கணசங்கம் கட்சி சாா்பில் நாமக்கல் தொகுதியில் போட்டியிடும் கே.கனகராஜூக்கு ஆதரவாக அக்கட்சி நிறுவனா் ஓய்வுபெற்ற பேராசிரியா் மு.பெ. முத்துசாமி, நிா்வாகிகள் வானக்காரன்புதூரில் வாக்கு சேகரித்தனா்.

சேந்தமங்கலம் தொகுதி: இத்தொகுதியில் சுயேச்சையாக போட்டியிடும் வேட்பாளா் சி.சந்திரசேகரன் புதன்கிழமை எருமப்பட்டி ஒன்றியத்திற்கு உள்பட்ட கிராமப் பகுதிகளில் மக்களிடையே ஆட்டோ சின்னத்துக்கு வாக்குகள் சேகரித்தாா்.