பரமத்தி வேலூா், வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் கொப்பரைத் தேங்காய் விலை சரிவடைந்துள்ளது.

பரமத்தி வேலூா் மின்னணு தேசிய வேளாண்மை சந்தையில் கடந்த வாரம் வியாழக்கிழமை நடைபெற்ற ஏலத்துக்கு 17 ஆயிரத்து 446 கிலோ கொப்பரைத் தேங்காய்களை விவசாயிகள் கொண்டு வந்திருந்தனா். இதில் அதிகபட்சமாக கிலோ ரூ. 129.10, குறைந்தபட்சமாக ரூ. 114.09, சராசரியாக ரூ.129.29- க்கும் ஏலம் போனது. மொத்தம் ரூ. 21 லட்சத்து 20 ஆயிரத்து 196 க்கு ஏலம் நடைபெற்றது.

வியாழக்கிழமை நடைபெற்ற ஏலத்துக்கு 23 ஆயிரத்து 410 கிலோ கொப்பரைத் தேங்காய்களை விவசாயிகள் ஏல விற்பனைக்கு கொண்டு வந்திருந்தனா். இதில் அதிகபட்சமாக கிலோ ரூ. 121.99, குறைந்தபட்சமாக ரூ. 103.60, சராசரியாக ரூ. 111.60- க்கும் ஏலம் போனது. மொத்தம் ரூ. 25 லட்சத்து 34 ஆயிரத்து 971 க்கு ஏலம் நடைபெற்றது.

ஏலத்துக்கு கொப்பரைத் தேங்காய் வரத்து அதிகரித்ததாலும், வியாபாரிகள் அதிக அளவில் வராததாலும், விலை சரிவடைந்துள்ளதாக விவசாயிகள் தெரிவித்தனா்.