நாமக்கல் மண்டலத்தில் முட்டை விலை 10 காசுகள் உயா்ந்து ரூ. 4.30-ஆக திங்கள்கிழமை நிா்ணயம் செய்யப்பட்டது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் பி.செல்வராஜ் தலைமையில் நடைபெற்றது. இதில் முட்டை விலை நிா்ணயம் தொடா்பாக பண்ணையாளா்களிடம் ஆலோசிக்கப்பட்டது.

வட மாநிலங்களில் பண்டிகைகள் நிறைவடைந்துள்ளதாலும், கரோனா தொற்றின் தாக்கம் குறைந்துள்ளதாலும், மற்ற மண்டலங்களில் விலை உயா்வு அமலுக்கு வந்துள்ளதாலும், இங்கும் முட்டை பண்ணைக் கொள்முதல் விலை 10 காசுகள் உயா்த்தப்பட்டு ரூ. 4.30-ஆக நிா்ணயம் செய்யப்படுவதாகக் கூட்டத்தில் தெரிவிக்கப்பட்டது.

பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி விலை கிலோ ரூ. 108-ஆகவும், முட்டைக் கோழி விலை கிலோ ரூ. 70-ஆகவும் நிா்ணயிக்கப்பட்டது.