நாமக்கல் மாவட்டத்தில் மிதமான மழையை எதிா்பாா்க்கலாம் என வானிலை ஆய்வு மையம் தெரிவித்துள்ளது.

இதுகுறித்து நாமக்கல் கால்நடை மருத்துவக் கல்லூரி வானிலை ஆய்வு மையம் செவ்வாய்க்கிழமை வெளியிட்ட செய்திக் குறிப்பு:

கடந்த வார வானிலையை பொருத்த வரை, பகல் மற்றும் இரவு நேர வெப்ப அளவுகள் முறையே 91.4 மற்றும் 69.8 டிகிரியாக நிலவியது. நாமக்கல் மாவட்டத்தின் பல இடங்களில் பரவலாக மழை பதிவாகியுள்ளது.

அடுத்த மூன்று நாள்களுக்கான மாவட்ட வானிலையில், வானம் பொதுவாக மேகமூட்டத்துடன் காணப்படும். லேசானது முதல் மிதமான மழை மாவட்டத்தின் பல இடங்களில் எதிா்பாா்க்கப்படுகிறது. பகல் வெப்பம் 91.4 டிகிரிக்கு மிகாமலும், இரவு வெப்பம் 71.6 டிகிரியாகவும் காணப்படும். காற்று தென் மேற்கு திசையில் இருந்து வீசக்கூடும். அதன் வேகம் மணிக்கு 6 கி.மீ. என்றளவில் காணப்படும் என அதில் தெரிவிக்கப்பட்டுள்ளது.