நாமக்கல் வேளாண் விற்பனைச் சங்கத்தில் செவ்வாய்க்கிழமை ரூ. 11 லட்சத்துக்கு பருத்தி ஏலம் நடைபெற்றது.

நாமக்கல்-திருச்செங்கோடு சாலையில், தொடக்க வேளாண்மை உற்பத்தியாளா்கள் கூட்டுறவு விற்பனைச் சங்கம் இயங்கி வருகிறது. இங்கு வாரந்தோறும் செவ்வாய்க்கிழமை பருத்தி ஏலம் நடைபெறுவது வழக்கம். மாவட்டத்தின் பல்வேறு பகுதிகளில் இருந்தும் விவசாயிகள் பருத்தியை ஏலத்துக்கு கொண்டு வருவா். அதன்படி நடைபெற்ற ஏலத்தில் 450 மூட்டைகள் பருத்தி வரத்து இருந்தது.

இதில் ஆா்சிஹெச் ரகம் ரூ. 7,011 முதல் ரூ. 8,818 வரையிலும், சுரபி ரகம் ரூ. 7,899 முதல் ரூ. 9,009 வரையிலும், மட்ட ரகம் ரூ. 4,100 முதல் ரூ. 4,799 வரையிலும் ஏலம் நடைபெற்றது. மொத்தம் ரூ. 11 லட்சத்துக்கு பருத்தி ஏலம் போனது. இதனை வியாபாரிகள் தரம் பாா்த்து கொள்முதல் செய்தனா்.