ரூ. 2,800 லஞ்சம்: மின்வாரிய அலுவலருக்கு 5 ஆண்டுகள் சிறை

மும்முனை மின் இணைப்பு வழங்க ரூ. 2,800 லஞ்சம் வாங்கிய மின்வாரிய அலுவலருக்கு 5 ஆண்டுகள் சிறை தண்டனை விதித்து நாமக்கல் நீதிமன்றம் வியாழக்கிழமை தீா்ப்பளித்தது.

நாமக்கல் மாவட்டம், திருச்செங்கோடு வட்டம், தேவனாங்குறிச்சி அம்மாபாளையம் பகுதியைச் சோ்ந்தவா் சங்கா் (49). இவா் கடந்த 2010 ஆம் ஆண்டில், ரிக் வாகனத் தொழிலுக்கான பட்டறை அமைத்து விட்டு, அதற்காக மும்முனை மின்சாரம் பெறுவதற்காக அங்குள்ள மின்வாரிய அலுவலகத்தை நாடினாா்.

அப்போது, அங்கு பணியில் இருந்த மின்வாரிய வருவாய்ப் பிரிவு அலுவலா் கணபதி ரூ. 2,800 லஞ்சமாக வழங்குமாறு கேட்டுள்ளாா். லஞ்சம் தர விரும்பாத சங்கா், இதுகுறித்து நாமக்கல் லஞ்ச ஒழிப்பு போலீஸில் புகாரளித்தாா்.

அவா்களது அறிவுரைப்படி, 2010 ஆக. 25-ஆம் தேதி மின்வாரிய அலுவலகத்துக்கு சென்ற சங்கா் பணத்தை வழங்கியபோது மறைந்திருந்த லஞ்ச ஒழிப்பு போலீஸாா், மின்வாரிய அலுவலா் கணபதியை கையும், களவுமாக பிடித்தனா்.

இதனையடுத்து அவா் பணியிடை நீக்கம் செய்யப்பட்டாா். இந்த வழக்கு நாமக்கல் தலைமை குற்றவியல் நீதிமன்றத்தில் நடைபெற்று வந்தது.

வழக்கின் இறுதி விசாரணையில், சம்பந்தப்பட்ட மின்வாரிய அலுவலா் கணபதி ஆஜராகாத நிலையில், நீதிபதி சரவணன் லஞ்சம் வாங்கிய கணபதிக்கு இரு பிரிவுகளின் கீழ் 3 ஆண்டுகள் சிறை தண்டனையும், ரூ.1000 அபராதமும் 5 ஆண்டுகள் சிறை தண்டனையும், ரூ. 3,000 அபராதமும் விதித்தும், இந்த தண்டனையை ஏககாலத்தில் அனுபவிக்கும் பொருட்டு 5 ஆண்டுகள் சிறையும், ரூ. 4,000 அபராதமும் விதித்து வியாழக்கிழமை தீா்ப்பளித்தாா்.