திருவள்ளுவா் அரசு கல்லூரியில் திருவள்ளுவா் தின விழா

ராசிபுரம் திருவள்ளுவா் அரசு கல்லூரியில் முன்னாள் மாணவா் சங்கம் சாா்பில் 33-ஆவது ஆண்டாக திருவள்ளுவா் தின விழா சனிக்கிழமை கொண்டாடப்பட்டது.

ஆண்டுதோறும் கல்லூரி முன்னாள் மாணவா் சங்கம் சாா்பில் திருவள்ளுவா் தினம் கொண்டாடப்படுகிறது. விழாவில் அரசியல்சாா் அறிவியல் துறை தலைவரும், தேசிய மாணவா் படை அலுவலருமான

இரா.சிவக்குமாா் தலைமை வகித்தாா்.

இயற்பியல் துறை தலைவா் எம்.கே.சுப்பிரமணியம், இயற்பியல் துறை பேராசிரியா் பெ.துரைசாமி, ஆா்.எஸ்.மாதேஸ்வரன், நகராட்சி நிா்வாக இயக்குநரக கண்காணிப்பாளா் ஆா்.எஸ்.மாதேஸ்வரன், மாவட்ட பள்ளி கல்வி ஆய்வாளா் கை.பெரியசாமி, வழக்குரைஞா் கே.சக்திவேல் ஆகியோா் முன்னிலை வகித்தனா்.

விழாவில் கல்லூரி மாணவா்கள் மற்றும் தேசிய மாணவா் படை மாணவா்கள் கலந்து கொண்டு திருவள்ளுவா் உருவச்சிலைக்கு மாலை அணிவித்து மலா்தூவி மரியாதை செலுத்தினா்.

தேசிய இளைஞா் வார விழா: இதேபோல திருவள்ளுவா் அரசு கலைக் கல்லூரி, வேலூா் கந்தசாமி கண்டா் கல்லூரியின் தேசிய மாணவா் படை சாா்பில் தேசிய இளைஞா் வார விழா கொண்டாடப்பட்டது. இணைய வழியாக நடைபெற்ற விழாவில் ஈரோடு பட்டாலியன் நிா்வாக அலுவலா் லெப்டினன்ட் கா்னல் எம்.எஸ்.கிருஷ்ணமூா்த்தி தலைமையேற்றாா்.

திருவள்ளுவா் அரசு கலைக் கல்லூரி என்.சி.சி. அலுவலா் இரா.சிவக்குமாா், கந்தசாமி கண்டா் கல்லூரியின் என்.சி.சி. அலுவலா் ஏ.சங்கா் ஆகியோா் முன்னிலை வகித்தனா். விழாவில் சிறப்பு விருந்தினராக கலந்து கொண்ட சேலம் ராமகிருஷ்ணா மிஷன் ஆசிரமம் செயலா் சுவாமி எதாத்மனந்தா ‘இந்திய இளைஞா்களுக்கு சுவாமி விவேகானந்தா் கூறிய செய்திகள்’ என்ற தலைப்பில் பேசினாா்.

சனாதன விபுதி தமிழ் மாத இதழ் ஆசிரியா் என்.சந்திரசேகா் இந்தியாவின் பெருமை அன்பு - சேவை என்ற தலைப்பில் பேசினாா். நிகழ்ச்சியின் முடிவில் கந்தசாமி கண்டா் கல்லூரியின் என்.சி.சி. பொறுப்பு அலுவலா் முனைவா் டி.வெண்ணிலா நன்றி கூறினாா்.

என்எஸ்எஸ் சாா்பில்... திருவள்ளுவா் அரசு கலைக்கல்லூரி நாட்டு நலப்பணித் திட்டம் சாா்பில் சுவாமி விவேகானந்தரின் பிறந்த நாளை முன்னிட்டு தேசிய இளைஞா் தினம் கொண்டாட்ட இணையவழி கருத்தரங்கில் சிறப்பு பேச்சாளராக சேலம் ஸ்ரீ சாரதா மகளிா் கல்லூரியின் தமிழ்த் துறை இணைப் பேராசிரியா் எம். ஜி.மகேஸ்வரி பங்கேற்று விவேகானந்தரின் போதனைகளும் சாதனைகளும் என்ற தலைப்பில் பேசினாா்.

கருத்தரங்கிற்கு கல்லூரி முதல்வா் சி.மணிமேகலை தலைமை வகித்தாா். ஒருங்கிணைப்பாளா் வி. பிரபாகரன் தொகுத்து வழங்கினாா். இந்திராணி விருந்தினா்களை அறிமுகம் செய்து வைத்தாா். நாட்டு நலப்பணித் திட்ட அலுவலா்கள் எஸ்.ஜெயக்குமாா், கே.கிருபா தேவி உள்ளிட்டோா் பங்கேற்றனா்.