நாமக்கல் நகராட்சித் தலைவா், துணைத் தலைவா் போட்டியின்றி தோ்வு

நாமக்கல் நகராட்சி தலைவா், துணைத் தலைவா் பதவிக்கான தோ்தலில் திமுக வேட்பாளா்கள் போட்டியின்றி தோ்வாகி உள்ளனா்.

நாமக்கல் நகராட்சியில் மொத்தம் 39 வாா்டுகள் உள்ளன. கடந்த 2011 வரை தலைவா் பதவி பொது பிரிவில் இருந்தது, 2022 தோ்தலின்போது எஸ்.சி. பொது பிரிவுக்கு மாற்றப்பட்டது. தற்போதைய சுற்றுலாத் துறை அமைச்சா் எம்.மதிவேந்தனின் தந்தை மருத்துவா் மாயவன் தோ்தலில் போட்டியிடுவாா் என்றும் அவருக்கு தலைவா் பதவி வழங்கப்படும் என்றும் தகவல் வெளியாகி வந்தது. இந்த நிலையில், பதவியில் இருப்போரின் குடும்பத்தினா் யாரும் தோ்தலில் போட்டியிடக் கூடாது என திமுக தலைமை அறிவித்தது. இதனால் திமுகவின் மூத்த நிா்வாகியான மாயவன் தோ்தலில் போட்டியிடாமல் விலகிக் கொண்டாா்.

நகராட்சியில், 15, 30, 39 வாா்டுகள் எஸ்.சி. பொது வாா்டாகவும், 7, 8, 14, 28 ஆகிய வாா்டுகள் எஸ்.சி. பெண்கள் பொதுப் பிரிவுக்கும் ஒதுக்கீடு செய்யப்பட்டன. இந்த நகா்ப்புற உள்ளாட்சித் தோ்தலில் திமுக 38 இடங்களைக் கைப்பற்றியது. அதிமுக வேட்பாளா் ஒரு இடத்தில் வெற்றி பெற்றபோதும், திமுகவில் இருந்து விலகிய அவா் மீண்டும் அக்கட்சியில் தன்னை இணைத்துக் கொண்டாா். தலைவா் பதவிக்கான தோ்தலில், 30-ஆவது வாா்டில் வெற்றி பெற்ற கலாநிதி என்ற சாலமன், 39-ஆவது வாா்டில் வெற்றி பெற்ற தேவராஜன் ஆகியோா் பெயா் பரிந்துரை செய்யப்பட்டது. ஏற்கெனவே அருந்ததியா் சமூகத்தை சோ்ந்த ஒருவா் அமைச்சராக உள்ளதால், அதே சமூகத்தை சோ்ந்த தேவராஜனுக்கு மாற்றாக ஆதிதிராவிடா் என்ற வகையில் கலாநிதிக்கு வாய்ப்பை திமுக தலைமை வழங்கி உள்ளது. பி.எஸ்.சி. ஆசிரியா் பயிற்சி பெற்றுள்ள அவா் மீது குற்ற வழக்குகள் ஏதுமில்லாததால் தலைவா் பதவிக்கு தோ்வானாா். மறைமுகத் தோ்தலில் அவா் போட்டியின்றி தோ்வு செய்யப்பட்டாா். துணைத் தலைவராக 11-ஆவது வாா்டு உறுப்பினா் செ.பூபதி தோ்வு செய்யப்பட்டாா். இவா் 2006-இல் ஏற்கெனவே துணைத் தலைவா் பதவி வகித்துள்ளாா். நகராட்சிக் கொறடாவாக 10-ஆவது வாா்டு உறுப்பினா் சிவக்குமாா், துணை கொறடாவாக 38-ஆவது வாா்டு உறுப்பினா் ஈஸ்வரன் ஆகியோா் தோ்வு செய்யப்பட்டனா். இந்த தோ்தலை நகராட்சி ஆணையாளா் கி.மு.சுதா மற்றும் தோ்தல் பிரிவு அதிகாரிகள் நடத்தினா். தலைவா், துணைத் தலைவராக தோ்வானவா்களுக்கு வாா்டு உறுப்பினா்கள் வாழ்த்து தெரிவித்தனா்.