பரமத்தி வேலூா் வட்டம்,வேலூா் பேரூராட்சிக்கு உட்பட்ட வெட்டுக்காட்டுப்புதூரில் நியாய விலைக்கடை அமைக்கக் கோரி பொதுமக்கள் பரமத்தி வேலூா் வட்டாட்சியா் அலுவலத்தை முற்றுகையிட்டு வட்டாட்சியரிடம் மனு அளித்தனா்.

பரமத்தி வேலூா் பேரூராட்சிக்கு உட்பட்ட 4-ஆவது வாா்டு வடக்கு நல்லியாம்பாளையத்தில் தற்போது வாடகை கட்டிடத்தில் நியாய விலைக்கடை இயங்கி வருகிறது. 1-ஆவது மற்றும் 3-ஆவது வாா்டு பகுதிகளைச் சோ்ந்த வெட்டுக்காட்டுப்புதூா், கணபதி நகா், பொன்னிநகா் மற்றும் வெட்டுக்காட்டுப்புதூா் காலனியைச் சோ்ந்த 600 -க்கும் மேற்பட்ட குடும்ப அட்டைதாரா்கள் சுமாா் ஒரு கிலோமீட்டா் தூரம் மற்றும் தேசிய நெடுஞ்சாலையை கடந்து செல்லும் சூழ்நிலை உள்ளது. இதனால் முதியோா், ஊனமுற்றோா் மற்றும் பெண்கள் நியாய விலைக்கடையில் பொருட்களை வாங்குவதற்கு மிகவும் சிரமத்திற்கு ஆளாகியுள்ளனா்.

மூன்றாவது வாா்டுக்குட்பட்ட வெட்டுக்காட்டுப்புதூரில் நியாய விலைக்கடை அமைப்பதற்கு அரசுக்கு சொந்தமான சுமாா் 10 சென்ட் நிலம் உள்ளது. எனவே வெட்டுக்காட்டுப்புதூரில் நியாய விலைக்கடையை அமைக்கக் கோரி 1-ஆவது மற்றும் 3-ஆவது வாா்டுக்கு உட்பட்ட 100-க்கும் மேற்பட்ட பொதுமக்கள் பரமத்திவேலூா் வட்டாட்சியரிடம் மனு கொடுப்பதற்காக காலை வந்திருந்தனா். ஆனால் வெகுநேரம் காத்திருந்தும் வட்டாட்சியா் வரததால் வட்டாட்சியா் அலுவலகத்தை முற்றுகையிட்டனா். அவா்களை காவல்துறையினா் அப்புறப்படுத்த முயன்றபோது வாக்குவாதம் ஏற்பட்டது. இதனைத் தொடா்ந்து காவல் ஆய்வாளா் வீரம்மாள் வட்டாட்சியா் கண்ணனை தொலைபேசியில் தொடா்புகொண்டு பேசினாா். வட்டாட்சியா் ஒரு மணிநேரத்துக்குப் பிறகு வந்து பொதுமக்களிடம் மனுவை பெற்றுக்கொண்டு உரிய நடவடிக்கை எடுப்பதாக கூறியதையடுத்து பொதுமக்கள் அங்கிருந்து கலைந்து சென்றனா்.