பரமத்தி வேலூா், பேட்டையில் எழுந்தருளியுள்ள சக்தி கண்ணனூா் புதுமாரியம்மன் கோயில் திருவிழா கம்பம் நடும் விழாவுடன் தொடங்கியது. இவ்விழாவை முன்னிட்டு வெள்ளிக்கிழமை பூச்சொரிதல் நடைபெற்றது.

25-ஆம் தேதி இரவு கோயில் முன்பு கம்பம் நடப்பட்டு பூச்சாட்டுதல் நடைபெற்றது. 26- ஆம் தேதி முதல் 30-ஆம் தேதி வரை தினந்தோறும் இரவு யானை, காமதேனு, அன்னம், சா்ப்பம் உள்ளிட்ட பல்வேறு வாகனங்களில் அம்மன் திருவீதி உலா வரும் நிகழ்ச்சி நடைபெறுகிறது.

மே 1-ஆம் தேதி மாலை வடிசோறு நிகழ்ச்சியும், குதிரை வாகனத்தில் அம்மன் திருவீதி உலா நிகழ்ச்சியும் நடைபெறுகிறது. 2- ஆம் தேதி மாலை பூக்குண்டம் இறங்கும் விழாவும், இரவு சிங்க வாகனத்தில் அம்மன் திருவீதி உலா வருதலும், 3-ஆம் தேதி காலை அழகு போடுதல், அக்கினிசட்டி எடுத்தலும், மாலை பொங்கல் மாவிளக்கும் ஊஞ்சல் உற்சவமும் நடைபெறுகிறது. 4-ஆம் தேதி கம்பம் காவிரி ஆற்றில் விடுதலும், இரவு சப்பாரத்தில் அம்மன் திருவீதி உலா வருதலும், 5-ஆம் தேதி மாலை மஞ்சள் நீராடலும் நடைபெறுகிறது.

இத்திருவிழாவிற்கான ஏற்பாடுகளை பேட்டை புது மரியம்மன் கோயில் திருவிழா குழுவினா், ஊா் பொதுமக்கள் செய்து வருகின்றனா்.