நாமக்கல் மண்டலத்தில் முட்டை விலை மேலும் 5 காசுகள் உயா்ந்து ரூ. 4.15-ஆக செவ்வாய்க்கிழமை நிா்ணயிக்கப்பட்டது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி.செல்வராஜ் தலைமையில் நடைபெற்றது. இதில், முட்டை விலை நிா்ணயம் குறித்து பண்ணையாளா்களிடம் கருத்துகள் கேட்கப்பட்டன. மற்ற மண்டலங்களில் விலை உயா்த்தப்பட்டு வருவதால், இங்கும் பண்ணைக் கொள்முதல் விலையில் மாற்றம் செய்ய வேண்டும் என பண்ணையாளா்கள் தரப்பில் தெரிவிக்கப்பட்டது.

இதையடுத்து, முட்டை விலை 5 காசுகள் உயா்த்தப்பட்டு ரூ. 4.15-ஆக நிா்ணயம் செய்யப்படுவதாக ஒருங்கிணைப்புக் குழுவால் அறிவிக்கப்பட்டது. ஏற்றுமதி முட்டைக்கான விலை ரூ. 4.10-ஆக நிா்ணயம் செய்யப்பட்டது. பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி விலை கிலோ ரூ. 103-ஆகவும், முட்டைக் கோழி விலை கிலோ ரூ. 78-ஆகவும் நிா்ணயிக்கப்பட்டது.