பரமத்தி வேலூா், வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ. 7 லட்சத்து 87 ஆயிரத்திற்கு கொப்பரை ஏலம் போனது.

இந்த வேளாண்மை சந்தைக்கு கடந்த வாரம் வியாழக்கிழமை 12 ஆயிரத்து 149 கிலோ கொப்பரையை விவசாயிகள் ஏலத்துக்கு கொண்டு வந்திருந்தனா். அதிகபட்சமாக கிலோ ரூ. 84.11-க்கும், குறைந்தபட்சமாக ரூ. 57.19- க்கும், சராசரியாக ரூ. 80.79-க்கும் ஏலம் போனது. மொத்தம் ரூ. 9 லட்சத்து 18 ஆயிரத்து 317-க்கு ஏலம் போனது.

வியாழக்கிழமை (மே 25) 11 ஆயிரத்து 108 கிலோ கொப்பரை விற்பனைக்கு கொண்டுவரப்பட்டிருந்தன. இதில் அதிகபட்சமாக கிலோ ரூ. 82.70-க்கும், குறைந்தபட்சமாக ரூ. 55.10-க்கும், சராசரியாக ரூ. 79.20-க்கும் ஏலம் போனது. மொத்தம் ரூ. 7 லட்சத்து 87 ஆயிரத்து 166-க்கு ஏலம் போனது.