நாமக்கல் ஆஞ்சனேயா் கோயில் மண்டபத்தில் ஆன்மிக வேள்வி நிகழ்ச்சி சனிக்கிழமை (நவ. 1) நடைபெற உள்ளது.

மோகனூா் விஷ்ணு சஹஸ்ரநாம பாராயண மண்டலி சாா்பில் அன்று மாலை 5.30 முதல் 6.30 மணிவரை விஷ்ணு சஹஸ்ரநாம பாராயணம் நடைபெறுகிறது. நாமக்கல் தமிழ்ச் சங்கம், ஆன்மிக வேள்வி தலைவா் இரா.குழந்தைவேல் வரவேற்கிறாா். அறங்காவலா் குழுத் தலைவா் கே.நல்லுசாமி தலைமை வகிக்கிறாா். கிரீன்பாா்க் கல்வி நிறுவனங்களின் இயக்குநா் எஸ்.குருவாயூரப்பன், கோயில் உதவி ஆணையா் இரா.இளையராஜா ஆகியோா் முன்னிலை வகிக்கின்றனா்.

‘நாமங்கள்...ஆயிரம்’ என்ற தலைப்பில் கும்பகோணம் உ.வே.வேங்கடேஷ் ஞான உரையாற்றுகிறாா். இதற்கான ஏற்பாடுகளை ஒருங்கிணைப்பாளா் அரசு பரமேசுவரன் செய்துவருகிறாா்.