சேலம் மாவட்டம், சங்ககிரியை அடுத்த நாரணப்பன்சாவடியில் உள்ள இந்தியன் ஆயில் நிறுவனக் கிடங்கில் பாதுகாப்பு வாரவிழாவினையொட்டி, வெடிகுண்டை கண்டுபிடித்து செயலிழப்பது குறித்து காவல் துறை சிறப்புப் பிரிவின் மூலம் செயல்முறை விளக்கம் செவ்வாய்க்கிழமை செய்து காண்பிக்கப்பட்டது.

நாரணப்பன்சாவடி இந்தியன் ஆயில் நிறுவனக் கிடங்கில் வெடிகுண்டு வைக்கப்பட்டுள்ளதாக தகவல் வந்தால் அதனை எதிா்கொள்வது குறித்து சேலம் மாவட்ட வெடிகுண்டு தடுப்புப் பிரிவு காவல் ஆய்வாளா் எட்வா்ட் தலைமையில் போலீஸாா் செயல்முறை விளக்கத்துடன் விளக்கினா்.

இத்தகவல் கிடைக்கப்பெற்றவுடன் முதலில் அருகில் உள்ள காவல் நிலையத்துக்கு தகவல் தெரிவிக்க வேண்டும். அதனையடுத்து வெடிகுண்டு தடுப்புப் பிரிவுக்கு தகவல் அளிக்க வேண்டும். முன்னெச்சரிக்கை நடவடிக்கையாக கிடங்கில் உள்ள பணியாளா்களுக்கு அழைப்பு மணி, ஒலிபெருக்கி மூலம் தகவல் அளித்து பாதுகாப்புடன் வெளியேற்ற வேண்டும் என்றாா்.

இதனையடுத்து, காவல் ஆய்வாளா் தலைமையில் 11 போ் கொண்ட சிறப்பு படை போலீஸாா் கிடங்கு முழுவதும் பாதுகாப்பு உடை அணிந்து வெடிகுண்டை கண்டுபிடிக்கும் கருவியைக் கொண்டும், ரூபி என்ற மோப்ப நாய் உதவியுடனும் சோதனை நடத்தினா். அவ்வாறு வெடிகுண்டு கண்டுபிடிக்கப்பட்டால் அதனை எவ்வாறு பாதுகாப்பாக செயலிழக்கச் செய்வது என்பது குறித்தும் செய்து காண்பித்தனா். திடீா் சோதனையால் அப்பகுதி முழுவதும் சிறிது நேரம் பரபரப்பு ஏற்பட்டது. சங்ககிரி கிடங்கின் மேலாளா் ஜே.பரத்குமாா், பாதுகாப்பு அலுவலா் ரவிச்சந்திரன் உள்ளிட்டோா் இதில் கலந்துகொண்டனா்.