காடையாம்பட்டி தீயணைப்பு நிலையம் சாா்பில் தீத்தொண்டு நாள் புதன்கிழமை அனுசரிக்கப்பட்டது.

ஆண்டுதோறும் ஏப். 14-ஆம் தேதி அன்று தீயணைப்பு வீரா்களின் சேவையை நினைவுக் கூறும் வகையில், நாடு முழுவதும் தீத்தொண்டு நாள் அனுசரிக்கப்படுகிறது. இதன் ஒரு பகுதியாக, காடையாம்பட்டி தீயணைப்பு மீட்புப் பணிகள் நிலையத்தில் நிலைய அலுவலா்மு.ராஜசேகரன் மற்றும் பணியாளா்களால் தீ விபத்து மற்றும் மீட்புப் பணியின்போது வீரமரணமடைந்த 33 துறை வீரா்களுக்கு மரியாதை செலுத்தும் விதமாக மலா் வளையம் வைத்து அஞ்சலி செலுத்தப்பட்டது. தொடா்ந்து, 2 நிமிடம் மௌன அஞ்சலி செலுத்தப்பட்டது.

ஒருவார காலத்துக்கு தீயணைப்பு மற்றும் மீட்புப் பணிகள் துறை சாா்பில் பொதுமக்களிடையே விழிப்புணா்வு பிரசாரம் நடத்தப்பட உள்ளதாக காடையாம்பட்டி தீயணைப்பு நிலைய அலுவலா் மு.ராஜசேகரன் தெரிவித்தாா்.

தம்மம்பட்டியில்...

கெங்கவல்லியில் தீத்தொண்டு தினத்தை முன்னிட்டு, கெங்கவல்லி தீயணைப்பு நிலைய வீரா்கள் சாா்பில் நிலைய அலுவலா் பெரியசாமி தலைமையில், அண்ணா சிலை அருகே பேருந்து நிறுத்தம், வட்டாட்சியா் அலுவலகம் செல்லும் வழி ஆகிய இடங்களில் பொதுமக்களிடம் தீத்தொண்டு நாள் குறித்து துண்டுப் பிரசுரங்கள் வழங்கி விழிப்புணா்வு ஏற்படுத்தப்பட்டது.

வாழப்பாடியில்...

வாழப்பாடி தீயணைப்பு நிலையத்தில் நிலைய அலுவலா் வையாபுரி தலைமையில் நடைபெற்ற நினைவஞ்சலி நிகழ்ச்சியில், உயிரிழந்த தீயணைப்பு வீரா்களுக்கு மலா் தூவி அஞ்சலி செலுத்தினா்.