எடப்பாடி நகராட்சிக்கு உட்பட்ட 30 வாா்டு பகுதிகளுக்கான புதிய வாக்காளா் பட்டியல் வியாழக்கிழமை வெளியிட்டப்பட்டது.

நகராட்சி ஆணையாளா் ஆா்.சேகா் புதிய வாக்காளா் பட்டியலை வெயிட்டாா். இப்புதிய பட்டியலின்படி எடப்பாடி நகராட்சிக்கு உட்பட்ட 30 வாா்டுகளில், 24,331ஆண் வாக்காளா்கள், 24,667 பெண்வாக்காளா்கள் மற்றும் 8 மூன்றாம் பலினத்தவா் உட்பட 49,006 வாக்காளா்கள் விவரம் புகைப்படத்துடன் வெளியிடப்பட்டுள்ளது.

ஏற்கெனவே நடைபெற்ற சிறப்பு முகாம்களில் முகவரி மாற்றம், வாக்களா் பெயா்நீக்கம் உள்ளிட்ட மாற்றங்கள் கோரி விண்ணப்பித்துள்ள வாக்காளா்களுக்கு, மாறுதல்மேற்கொள்ளப்பட்ட கூடுதல் இணைப்பு வாக்காளா் பட்டியல் விரைவில் வெளிடப்படும் என சம்பந்தப்பட்ட அலுவலா்கள் தெரிவித்தனா்.