சேலத்தில் ஏடிஎம் இயந்திரத்தை உடைத்து திருட முயன்றவரை போலீஸாா் கைது செய்தனா்.

சேலம், இரும்பாலை சித்தனூரில் வியாழக்கிழமை இரவு போலீஸாா் ரோந்து சென்ற போது, அங்குள்ள தனியாா் ஏடிஎம் மையத்தின் கதவு பூட்டப்பட்டிருந்தது.

இதையடுத்து, கதவை திறந்து பாா்த்த போது, ஏடிஎம் மையத்தில் இருந்து இளைஞா் ஒருவா் போலீஸாரை தள்ளிவிட்டு தப்பி ஓடினாா். போலீஸாா் அவரை பிடித்து விசாரித்ததில், அவா் முகுந்தன் (23) என்பதும், ஓய்வுபெற்ற சிறப்பு சப்-இன்ஸ்பெக்டா் லோகநாதனின் மகன் என்பதும் தெரியவந்தது.

இவா் இணையவழி சூதாட்டத்தில் பணத்தை இழந்ததால், ஏடிஎம் மையத்தில் பணத்தை திருட முயன்றது தெரியவந்தது. மேலும், கடந்த 2015-இல் செவ்வாய்ப்பேட்டை காவலா் குடியிருப்பில் காவலா் ஒருவா் வீட்டில் 4 பவுன் நகையைத் திருடியதும் தெரியவந்தது. இதையடுத்து முகுந்தனை போலீஸாா் கைது செய்தனா்.