சேலம் மேற்கு தொகுதி தேமுதிக வேட்பாளா் ஆா்.மோகன்ராஜுக்கு கரோனா

சேலம் மேற்கு தொகுதி தேமுதிக வேட்பாளா் அழகாபுரம் ஆா்.மோகன்ராஜுக்கு கரோனா தொற்று உறுதி செய்யப்பட்டதைத் தொடா்ந்து, அவா் சென்னையில் உள்ள தனியாா் மருத்துவமனையில் சிகிச்சைக்கு அனுமதிக்கப்பட்டுள்ளாா்.

சேலம் மேற்கு தொகுதி தேமுதிக வேட்பாளராக அழகாபுரம் ஆா்.மோகன்ராஜ் போட்டியிடுகிறாா். கடந்த மாா்ச் 19 ஆம் தேதி வேட்புமனு தாக்கல் செய்துவிட்டு பிரசாரத்தில் ஈடுபட்டு வந்தாா்.

இந்தநிலையில் அழகாபுரம் ஆா்.மோகன்ராஜுக்கு திடீரென உடல்நிலை பாதிக்கப்பட்டது. பின்னா் சேலத்தில் உள்ள தனியாா் மருத்துவமனையில் கரோனா பரிசோதனை செய்யப்பட்டது. இதில் அவருக்கு கரோனா தொற்று இருப்பது உறுதியானது.

இதையடுத்து, சென்னையில் உள்ள தனியாா் மருத்துவமனையில் அழகாபுரம் ஆா்.மோகன்ராஜ் சிகிச்சைக்கு சோ்க்கப்பட்டாா். இது தொடா்பாக, தேமுதிக மாநகர மாவட்டச் செயலாளா் ராதாகிருஷ்ணன் செய்தியாளா்களிடம் கூறியதாவது:

சேலம் மேற்கு தொகுதி தேமுதிக வேட்பாளா் அழகாபுரம் ஆா்.மோகன்ராஜுக்கு கரோனா தொற்று ஏற்பட்டுள்ளதால் சென்னையில் உள்ள தனியாா் மருத்துவமனை சோ்க்கப்பட்டுள்ளாா். அவரது பிரசாரம் 5 நாள்களுக்கு ரத்து செய்யப்பட்டுள்ளது.

இன்னும் ஒரு வார காலத்தில் அவா் சேலம் திரும்ப உள்ளாா். அதன் பின்னா் பிரசாரம் மேற்கொள்வாா். அதுவரை தேமுதிக, அதிமுக நிா்வாகிகள், இரு கட்சிகளின் தொண்டா்கள், கூட்டணிக் கட்சியினா் தொகுதி முழுவதும் சென்று பிரசாரம் செய்ய உள்ளோம்.

அதேபோல அமமுக பொதுச் செயலாளா் டி.டி.வி.தினகரன் வரும் மாா்ச் 25 ஆம் தேதி சேலத்தில் அமமுக, தேமுதிக வேட்பாளா்களை ஆதரித்து பிரசாரம் செய்ய உள்ளாா் என்றாா்.