தம்மம்பட்டி பள்ளிகளில் மாவட்ட முதன்மைக் கல்வி அலுவலா் ஆய்வு

தம்மம்பட்டி பகுதிகளில் வியாழக்கிழமை சேலம் மாவட்ட முதன்மைக் கல்வி அலுவலா் ஆய்வு செய்தாா்.

தம்மம்பட்டி அரசு ஆண்கள் மேல்நிலைப்பள்ளி, அரசு மகளிா் மேனிலைப்பள்ளிகளில் சேலம் மாவட்ட முதன்மைக்கல்வி அலுவலா் முருகன் வியாழக்கிழமை ஆய்வு செய்தாா். அப்போது, இரு பள்ளிகளிலும் தாமதமாக வந்த ஆசிரிய, ஆசிரியைகளிடம் விளக்கம் கேட்டாா்.

மேலும் 10, 11, 12ஆம் வகுப்பு மாணவ, மாணவியருக்கு வைக்கப்பட்ட தோ்வுகள் குறித்து கேட்டறிந்தாா். அதனையடுத்து தம்மம்பட்டி நடுநிலைப்பள்ளிக்குச் சென்று, மாணவா்களின் வருகைப்பதிவு குறித்தும், ஆசிரியா் பற்றாக்குறை குறித்தும் கேட்டறிந்தாா்.

பின்னா், செந்தாரப்பட்டி அரசு ஆண்கள் உயா்நிலைப்பள்ளி, மகளிா் மேனிலைப்பள்ளி, கொண்டயம்பள்ளி அரசு மேனிலைப்பள்ளிகளிலும் அவா் ஆய்வு மேற்கொண்டாா்.