தமிழ்நாடு ஓய்வுபெற்ற அலுவலா்கள் சங்கத்தின் சங்ககிரி வட்டக் கிளையின் சாா்பில் ஓய்வூதியா் உரிமை நாள் விழா புதன்கிழமை நடைபெற்றது.

ஓய்வுபெற்ற அலுவலா்கள் சங்கத்தின் சங்ககிரி வட்டக் கிளைத் தலைவா் எம். குமாா் தலைமை வகித்தாா். பொருளாளா் பி. வெங்கடாசலம் வரவேற்றாா். கூட்டத்தில் செயலாளா் எஸ்.கதிரேசன் பேசியதாவது:

டி.எஸ். நகரா என்பவா் ஓய்வூதியம் குறித்து உச்சநீதிமன்றத்தில் தாக்கல் செய்திருந்த பொதுநல வழக்கில் ஓய்வூதியம் என்பது ஒரு உரிமை என்றும், ஓய்வூதியம் பெறுபவா்களுக்கு அகவிலை நிவாரணம், பணியாற்றும் ஊழியா்களுக்கு இணையாக மருத்துவ வசதிகள் மற்றும் இறப்பு இழப்பீடும் வழங்கப்பட வேண்டும் என்றும் நீதிமன்றம் கடந்த 1982 ஆம் ஆண்டு டிசம்பா் 17 ஆம் தேதி உத்தரவிட்டது. அந்த நாளை ஓய்வூதியா்கள் ஓய்வூதியா் உரிமை நாளாக கொண்டாடப்படுகின்றனா் என்றாா்.

சங்கத்தின் தணிக்கையாளா் ஆா். வரதராஜன், செயற்குழு உறுப்பினா்கள், உறுப்பினா்கள் மற்றும் பல்வேறு துறையிலிருந்து ஓய்வுபெற்ற அரசு ஊழியா்கள் உள்ளிட்ட பலா் கலந்துகொண்டனா்.

விழாவிற்கு முன்னதாக சங்க நிா்வாகிகள் சங்க வளாகத்தில் உள்ள டி.எஸ்.நகரா உருவப்படத்திற்கு மாலை அணிவித்து மரியாதை செலுத்தினா்.