சேலம்: மாற்றுத்திறனாளிகள் நலவாரியத்தில் பதிவுசெய்த 194 பயனாளிகளுக்கு நிதியுதவி வழங்கும் திட்டத்தின்கீழ், ரு. 43 லட்சம் நிதி ஒதுக்கீடு பெறப்பட்டு என ஆட்சியா் ரா.பிருந்தாதேவி தெரிவித்தாா்.

மக்கள் குறைதீா்க்கும் நாள் கூட்டம் ஆட்சியா் ரா.பிருந்தாதேவி தலைமையில் திங்கள்கிழமை நடைபெற்றது. இதில் ஆட்சியா் தெரிவித்ததாவது:

பொதுமக்களிடமிருந்து பெறப்படும் மனுக்களுக்கு உடனுக்குடன் தீா்வுகாணவும், பெண்களின் முன்னேற்றத்துக்கு தேவையான நடவடிக்கைகள் உள்ளிட்ட பணிகளில் அரசு அலுவலா்கள் அனைவரும் ஒருங்கிணைந்து செயல்பட வேண்டும். குறிப்பாக, பொதுமக்கள் ஒருமுறை வழங்கிய மனுக்கள் மீண்டும் வராத வகையில் மனுவின் மீது உரிய தீா்வு வழங்குவதை அலுவலா்கள் உறுதிசெய்ய வேண்டும்.

அதனடிப்படையில் நடைபெற்ற மக்கள் குறைதீா்க்கும் நாள் கூட்டத்தில், பொதுமக்களிடமிருந்து முதியோா் உதவித்தொகை, இலவச வீட்டுமனைப் பட்டா, பட்டா மாறுதல், ஜாதிச்சான்று உள்பட பல்வேறு கோரிக்கைகளை வலியுறுத்தி 414 மனுக்கள் வரப்பெற்றன.

மேலும், 2025-26-ஆம் நிதியாண்டில் தமிழ்நாடு மாற்றுத் திறனாளிகள் நலவாரியத்தில் பதிவுசெய்த மாற்றுத்திறனாளிகளுக்கு நிதியுதவி வழங்கும் திட்டத்தின்கீழ், மாற்றுத்திறனாளி இயற்கை மரணத்துக்கான ஈமச்சடங்கு தொகை, விபத்து மரணத்துக்கான ஈமச்சடங்கு தொகை, மகன்/ மகள் திருமண உதவித்தொகை, கல்வி உதவித்தொகை, மாற்றுத்திறனாளிக்கு மூக்கு கண்ணாடி பெறுவதற்கு நிதியுதவி, பெண் மாற்றுத்திறனாளிகளுக்கு மகப்பேறு நிதியுதவி ஆகிய திட்டங்களின்கீழ் விண்ணப்பித்த 194 பயனாளிகளுக்கு ரூ. 43,06,500 நிதி ஒதுக்கீடு பெறப்பட்டு, பயனாளிகளின் வங்கிக் கணக்குக்கு அனுப்பிவைக்க உள்ளது.

அதன் ஒரு பகுதியாக, விபத்து காரணமாக இறந்த 9 மாற்றுத்திறனாளிகளின் வாரிசுதாரா்களுக்கு தலா ரூ. 2 லட்சத்துக்கான ஆணை வழங்கப்பட்டது.

மேலும், மாற்றுத்திறனாளிகளுக்கென நடத்தப்பட்டு வரும் குறைதீா் முகாமில் வீட்டுமனைப் பட்டா, உதவி உபகரணங்கள், பராமரிப்பு உதவித் தொகை உள்ளிட்ட பல்வேறு கோரிக்கைகள் குறித்து 9 மனுக்கள் வரப்பெற்றன. அவற்றின்மீது உரிய நடவடிக்கை மேற்கொள்ள தொடா்புடைய அலுவலா்களுக்கு அறிவுறுத்தப்பட்டுள்ளது என்றாா்.

இக்கூட்டத்தில், மாவட்ட வருவாய் அலுவலா் ரா.ரவிக்குமாா், மாவட்ட பிற்படுத்தப்பட்டோா் நல அலுவலா் சின்னுசாமி, மாவட்ட ஆதிதிராவிடா் நல அலுவலா் ஜெயக்குமாா், மாவட்ட மாற்றுத்திறனாளிகள் நல அலுவலா் செண்பகவள்ளி உள்ளிட்ட அரசுத் துறை முதன்மை அலுவலா்கள் கலந்துகொண்டனா்.