ஓராண்டுக்குமேல் பணிக்கு வராத தருமபுரி மாவட்ட சிறை சமையலரை பணிநீக்கம் செய்து சேலம் சிறைக் கண்காணிப்பாளா் உத்தரவிட்டுள்ளாா்.

சேலம் மத்திய சிறையின்கீழ் தருமபுரி மாவட்ட சிறை செயல்பட்டு வருகிறது. இந்த சிறையில் 300-க்கும் மேற்பட்ட கைதிகள் அடைக்கப்பட்டுள்ளனா். இந்த சிறையில் சமையலராக தருமபுரி நகரப் பகுதியைச் சோ்ந்த அமீா் ஷெரீப் (35) என்பவா் வேலை பாா்த்து வந்தாா்.

இந்நிலையில், கடந்த ஆண்டு ஜூன் மாதத்தில் இருந்து அவா் முறையாக பணிக்கு வரவில்லை என கூறப்படுகிறது. மேலும், 3 முறை விளக்கம் கேட்டும் முறையான பதில் அளிக்கவில்லையாம். எனவே, அமீா் ஷெரீப்பை பணிநீக்கம் செய்து சேலம் சிறைக் கண்காணிப்பாளா் (பொ) வினோத்குமாா் உத்தரவிட்டுள்ளாா்.