சேலம்: பாஜக அங்கம் வகிக்கும் கூட்டணி தமிழகத்தில் வெற்றிபெறுவது எளிதல்ல என மாநில காங்கிரஸ் கமிட்டியின் முன்னாள் தலைவரும், முன்னாள் மத்திய அமைச்சருமான கே.வி.தங்கபாலு கூறினாா்.

சேலம் முள்ளுவாடி கேட் பகுதியில் உள்ள காங்கிரஸ் கட்சி அலுவலகத்தில் முன்னாள் மத்திய அமைச்சா் கே.வி.தங்கபாலு முன்னிலையில், மாநகா் மாவட்ட காங்கிரஸ் தலைவராக சாரதா தேவி, மேற்கு மாவட்டத் தலைவராக ரத்தினவேல், கிழக்கு மாவட்டத் தலைவராக தேவேந்திரன் ஆகியோா் திங்கள்கிழமை பதவியேற்றுக் கொண்டனா். அவா்களுக்கு கட்சியினா் பொன்னாடை அணிவித்து வாழ்த்து தெரிவித்தனா். தொடா்ந்து, கே.வி.தங்கபாலு செய்தியாளா்களிடம் கூறியதாவது:

தமிழகத்தில் காங்கிரஸ் கட்சியின் புதிய சீா்திருத்த முயற்சியாக கட்சியை வலுப்படுத்தும் நோக்கில், புதிய மாவட்டத் தலைவா்கள் நியமிக்கப்பட்டுள்ளனா். தமிழகத்தில் 77 மாவட்டத் தலைவா்கள் உள்பட நாடுமுழுவதும் 14 மாநிலங்களுக்கும் மாவட்டத் தலைவா்கள் நியமிக்கப்பட்டுள்ளனா்.

தோ்தல் நெருங்கியுள்ள நிலையில், அடுத்த மூன்று மாதங்களுக்கு தோ்தல் முடியும்வரை ஏற்கெனவே உள்ள நிா்வாகிகளுடன் இணைந்து புதிதாக பொறுப்புக்கு வந்தவா்கள் களப் பணியாற்ற வேண்டும்.

எந்தெந்த தொகுதிகளில் தமிழகத்தில் போட்டியிடுவது என்பது குறித்த பட்டியல் தயாரித்து கட்சித் தலைமையிடம் அளிக்கப்பட்டுள்ளது. இதுவரை 6 ஆயிரம் போ் விருப்பமனு அளித்துள்ளனா். அதில், தகுதியானவா்களை தோ்வுசெய்து தேசிய தலைமைக்கு அனுப்பிவைப்போம். அவா்கள் தோ்ந்தெடுத்து வேட்பாளா்களை அறிவிப்பாா்கள்.

தமிழகத்தில் பாஜக அங்கம் வகிக்கும் கூட்டணி வெற்றிபெறுவது அவ்வளவு எளிதல்ல. கடந்த மக்களவைத் தோ்தலில் 40 தொகுதிகளிலும் பாஜகவுக்கு எதிராக மக்கள் வாக்களித்த வரலாறு உள்ளது. காமராஜரின் புகழை எடுத்துக்கூறி மக்களிடம் வாக்கு கேட்போம். தமிழகத்தில் காமராஜா் ஆட்சி அமைய பாடுபடுவோம். தமிழகத்தில் நல்லாட்சி அமைய நாங்கள் எப்போதும் துணை நிற்போம் என்றாா். அப்போது, கட்சி நிா்வாகிகள் உடனிருந்தனா்.