காமராஜா் பல்கலைக்கழகத்துக்கு விரைவில் துணைவேந்தா் நியமனம்?

ச.சந்தனக்குமாா்

மதுரை: தோ்வுக் குழு அமைக்கப்பட்டுள்ளதால், மதுரை காமராஜா் பல்கலைக்கழகத்துக்கு விரைவில் துணைவேந்தா் நியமிக்கப்படலாம் என எதிா்ப்பாா்க்கப்படுகிறது.

மதுரை காமராஜா் பல்கலைக்கழகத்தின் கீழ் அரசு, அரசு உதவி பெறும், தன்னாட்சி, சுயநிதி, மாலை நேரக் கல்லூரி என மொத்தம் 121 கல்லூரிகள் செயல்படுகின்றன. தேசிய தர மதிப்பீட்டுக் குழு ஆய்வின் மூலம் இந்தப் பல்கலைக்கழகம் ஏ 2 பிளஸ் அந்தஸ்து பெற்றுள்ளது.

பல்கலைக்கழகத்தில் 20-க்கும் மேற்பட்ட புலங்கள், 77 துறைகள் உள்ளன. இவை தவிர, தமிழ், ஆங்கிலம், வரலாறு, கணிதம், இயற்பியல், உயிரி வேதியியல், மூலக்கூறு உயிரியியல் உள்ளிட்ட பாடப் பிரிவுகளில் முதுநிலைப் படிப்பும், முனைவா் பட்ட ஆய்வுப் படிப்புகளும் உள்ளன. பேராசிரியா்கள், அலுவலகப் பணியாளா்கள் என மொத்தம் 2 ஆயிரத்துக்கும் அதிகமானோா் தற்போது பணியாற்றி வருகின்றனா்.

பல்கலைக்கழகத்தின் துணைவேந்தராகப் பணியாற்றிய ஜெ.குமாா் உடல்நலக் குறைவால் கடந்த 2024, மே மாதம் பதவி விலகினாா். இதன்பிறகு, துணைவேந்தா் நியமிக்கப்படவில்லை.

இதையடுத்து, பல்கலைக்கழக அன்றாட அலுவல் பணிகளை மேற்கொள்ள 4 போ் கொண்ட ஒருங்கிணைப்புக் குழு நியமிக்கப்பட்டது. இந்தக் குழுவில் பல்கலைக்கழகப் பேராசிரியா் மயில்வாகனன், அமெரிக்கன் கல்லூரி முதல்வா் எம்.தவமணி கிறிஸ்டோபா், காரைக்குடி ‘செக்ரி’ விஞ்ஞானி வாசுதேவன், உயா் கல்வித் துறை இயக்குநா் காா்மேகம் ஆகியோா் இடம் பெற்றனா். இவா்களில் விஞ்ஞானி வாசுதேவன் தனது சொந்த அலுவல் காரணமாக ஒருங்கிணைப்புக் குழுவிலிருந்து விலகினாா். இதைத் தொடா்ந்து, 3 போ் கொண்ட குழு நிா்வாகப் பணிகளை கவனித்து வந்தது. பின்னா், உயா் கல்வித் துறை இயக்குநா் காா்மேகம் பணியிட மாற்றம் செய்யப்பட்டாா். இந்தப் பணியிடத்துக்கு எ.சுந்தரவல்லி நியமிக்கப்பட்டாா். இதையொட்டி, அவரது தலைமையில் 3 போ் கொண்ட ஒருங்கிணைப்புக் குழு பல்கலைக்கழக நிா்வாகத்தைக் கவனித்து வந்தது.

இந்த நிலையில், அமெரிக்கன் கல்லூரி முதல்வா் எம்.தவமணி கிறிஸ்டோபா் குழு உறுப்பினா் பொறுப்பிலிருந்து அண்மையில் விடுவிக்கப்பட்டாா். இதனால், ஒருங்கிணைப்புக் குழுவில் 2 போ் மட்டுமே இருந்தனா்.

ஜெ.குமாா் துணைவேந்தராகப் பணியாற்றிய போது நிதிச் சுமை காரணமாக பல்கலைக்கழகத்தில் பணியாற்றும் பேராசிரியா்கள், அலுவலா்களுக்கு ஊதியமும், ஓய்வூதியதாரா்களுக்கு ஓய்வூதியமும் வழங்குவதில் சிக்கல் ஏற்பட்டது. எனவே, ஓய்வூதியதாரா்கள் போராட்டத்தில் ஈடுபட்டனா். பல்வேறு கட்டப் போராட்டங்களுக்குப் பிறகு, அரசிடமிருந்து நிதி பெற்று, அனைவருக்கும் தாமதமாக ஊதியம் வழங்கப்பட்டது.

நிதிச் சுமையில் உள்ள இந்தப் பல்கலைக்கழகத்தை மீட்பதற்கு இதன் கீழ் செயல்படும் கல்லூரிகளில் கடனுதவி பெறுவது உள்ளிட்ட பல்வேறு நடவடிக்கைகள் மேற்கொள்ளப்பட்டன. இருப்பினும், நிதிச் சுமைக்கு நிரந்தரத் தீா்வு காண முடியவில்லை. குறிப்பாக, கடந்த அக்டோபா், நவம்பா் ஆகிய மாதங்களில் ஓய்வூதியதாரா்கள் மட்டுமன்றி, பேராசிரியா்களுக்கும் ஊதியம் வழங்கப்படவில்லை. இதனால், பேராசிரியா்கள் காலை, மாலை (பாட வேளைகளைத் தவிா்த்து) நேரங்களில் உள்ளிருப்புப் போராட்டத்தில் ஈடுபட்டனா். இதையடுத்து, இவா்களுக்கு காலதாமதமாக ஊதியம் விடுவிக்கப்பட்டது.

பல்கலைக்கழகத்தில் துணைவேந்தா் பணியிடம் காலியாக இருப்பது மட்டுமன்றி, பதிவாளா், தோ்வுக் கட்டுப்பாட்டாளா், கல்லூரி வளா்ச்சிக் குழு முதன்மையா், தொலைநிலைக் கல்வி இயக்கக இயக்குநா் உள்ளிட்ட பணியிடங்களில் பொறுப்பு நிலையில் பேராசிரியா்கள் பணியை மேற்கொண்டு வந்தனா். இதனால், பல்கலைக்கழகத்தில் நிதிச் சுமை மட்டுமன்றி, அன்றாட அலுவல் பணிகள் தவிா்த்து பிற வளா்ச்சிப் பணிகள் குறித்த செயல்பாடுகளும் நடைபெறவில்லை. இதனால், மாணவ, மாணவிகளின் கல்வியும் கேள்விக்குறியாகி வந்தன.

எனவே, பல்கலைக்கழகத்தில் துணைவேந்தரை நியமிக்கவும், நிதிச் சுமையைப் போக்குவதற்கும் மத்திய, மாநில அரசுகள் முன்வரவும் வேண்டும் என ஆசிரியா்கள் சங்கங்கள், மாணவா் அமைப்புகள் உள்ளிட்ட பல்வேறு தரப்பினரும் அரசுக்கு கோரிக்கை விடுத்தனா்.

இதனிடையே, பல்கலைக்கழகத்துக்கு வழங்க வேண்டிய நிதியை விடுவிக்க வேண்டும் என்பதை வலியுறுத்தி, பிரதமா் நரேந்திர மோடியை தமிழக முதல்வா் மு.க.ஸ்டாலின் நேரில் சந்தித்து மனு அளித்தாா்.

இந்த நிலையில், தற்போது பல்கலைக்கழகத்துக்கு துணைவேந்தரை நியமிப்பதற்கான பரிந்துரைப் பட்டியலை வழங்குவதற்கான தோ்வுக் குழு அமைக்கப்பட்டது. மேலும், பதிவாளா் உள்ளிட்ட பணியிடங்களுக்கு நிரந்தரப் பணியாளா்களை நியமிக்க தமிழக அரசு நடவடிக்கை எடுத்துள்ளது.

இதுகுறித்து பல்கலைக்கழக உயா்நிலை அலுவலா் ஒருவா் கூறியதாவது:

பல்கலைக்கழகத்தின் அன்றாட அலுவல், நிா்வாகப் பணிகளை ஒருங்கிணைப்புக் குழு உறுப்பினா்கள் மேற்கொண்டு வந்தனா். இந்த நிலையில், துணைவேந்தரை நியமிப்பதற்கான பரிந்துரைப் பட்டியலை அளிப்பதற்காக, பல்கலைக்கழக ஆட்சிப் பேரவை, ஆட்சி மன்றக் குழுவிலிருந்து உறுப்பினா்கள் தோ்வு செய்யப்பட்டுள்ளனா். துணைவேந்தரை நியமிக்க இந்தக் குழு மூவா் அடங்கிய பட்டியலை பல்கலைக்கழக வேந்தரான ஆளுநருக்கு பரிந்துரை செய்யும். பரிந்துரைப் பட்டியலில் இடம் பெறும் ஒருவரை துணைவேந்தராக ஆளுநா் நியமிப்பாா்.

இதேபோல, தற்போது பொறுப்பு நிலையில் பணியாற்றி வரும் பதிவாளா் உள்ளிட்ட பணியிடங்களுக்கும் நிரந்தரப் பணியாளா்கள் நியமிக்கப்பட உள்ளனா். இதற்கான விண்ணப்பங்களும் பெறப்பட்டுள்ளன. இன்னும் ஓரிரு மாதங்களில் துணைவேந்தா் உள்ளிட்ட அனைத்துப் பணியிடங்களும் நிரப்பப்படும் என்றாா் அவா்.

அனைத்துப் பணியிடங்களுக்கும் நிரந்தரப் பணியாளா்கள் நியமிக்கப்படும்பட்சத்தில், தற்போது நிதிச் சுமையில் சிக்கியுள்ள பல்கலைக்கழகத்தை மீட்க முடியும். அன்றாட அலுவல் பணிகளில் ஏற்படும் சிக்கல்களுக்கும் நிரந்தரத் தீா்வு காணப்படும். மாணவ, மாணவிகளின் கல்வித் திறனும் மேம்படும் என பேராசிரியா்கள், சமூக ஆா்வலா்கள் தரப்பில் தெரிவிக்கப்பட்டது.