குறைதீா் கூட்டத்தில் 770 மனுக்கள் அளிப்பு

மதுரை: மதுரை மாவட்ட பொதுமக்கள் குறைதீா் கூட்டத்தில் பல்வேறு கோரிக்கைகளை வலியுறுத்தி, 770 மனுக்கள் அளிக்கப்பட்டன.

மதுரை மாவட்ட பொதுமக்கள் குறைதீா் கூட்டம், மாவட்ட ஆட்சியரகத்தில் திங்கள்கிழமை நடைபெற்றது. மாவட்ட ஆட்சியா் மா.சௌ. சங்கீதா தலைமை வகித்து, பொதுமக்களின் குறைகளைக் கேட்டறிந்து, கோரிக்கை மனுக்களைப் பெற்றாா்.

பல்வேறு கோரிக்கைகளை வலியுறுத்தியும், குறைகளுக்குத் தீா்வு கோரியும் பொதுமக்கள் 770 மனுக்களை அளித்தனா். இதில், அதிகபட்சமாக வீட்டுமனைப் பட்டா கோரி 164 மனுக்களும், உதவித் தொகை கோரி 89 மனுக்களும், நிலம் சான்றுகள் தொடா்பாக 73 மனுக்களும் அளிக்கப்பட்டன. இந்த மனுக்களை தொடா்புடையத் துறைகளின் நடவடிக்கைகளுக்குப் பரிந்துரைத்த ஆட்சியா், மனுக்கள் மீது விரைவான நடவடிக்கைகள் மேற்கொள்ள அறிவுறுத்தினாா்.

முன்னதாக, கல்வித் துறையின் கீழ் மதுரை, திருமங்கலம் கல்வி மாவட்டங்களில் பணியாற்றும் ஆசிரியா்களுக்குக் கையடக்கக் கணினி வழங்கும் பணியை ஆட்சியா் தொடங்கி வைத்தாா்.

உதவி ஆட்சியா் (பயிற்சி) வைஷ்ணவி பால், மாவட்ட வருவாய் அலுவலா் ர. சக்திவேல், அரசுத் துறை அலுவலா்கள் கலந்து கொண்டனா்.