ஆா்வத்துடன் படித்தால் போட்டித் தோ்வில் வெற்றி உறுதி -ராமநாதபுரம் ஆட்சியா்

ராமநாதபுரம் மாவட்ட வேலைவாய்ப்பு அலுவலகத்தில் வியாழக்கிழமை நடைபெற்ற போட்டித் தோ்வுக்கான பயிற்சி வகுப்பில் பங்கேற்ற தோ்வருக்கு, பயிற்சி கையேட்டை வழங்கிய மாவட்ட ஆட்சியா் பா. விஷ்ணுசந்திரன்.

மாணவா்கள் ஆா்வத்துடன் படித்தால் போட்டித் தோ்வில் வெற்றி உறுதி என்றாா் ராமநாதபுரம் மாவட்ட ஆட்சியா் பா. விஷ்ணுசந்திரன்.

ராமநாதபுரம் மாவட்ட வேலைவாய்ப்பு அலுவலக கூட்டரங்கில் வியாழக்கிழமை நடைபெற்ற தொகுதி 4 போட்டித் தோ்வுக்கான பயிற்சி வகுப்பில் அவா் மேலும் பேசியதாவது:

போட்டித் தோ்வு எழுதும் மாணவா்கள், உரிய ஈடுபாட்டுடன் தங்களை தயாா்படுத்திக் கொள்ள வேண்டும். ஆா்வத்துடன் படித்து, உரிய கவனத்துடன் தோ்வு எழுதினால், போட்டித் தோ்வில் வெல்வது உறுதி. அதேநேரத்தில் தோல்வியாலும் துவண்டுவிடக் கூடாது. விடாமுயற்சி வெற்றியைக் கொடுக்கும். போட்டித் தோ்வுக்கு விண்ணப்பித்தவா்கள், பயிற்சி முகாமை சிறப்பாகப் பயன்படுத்திக் கொள்ள வேண்டும் என்றாா் ஆட்சியா் பா. விஷ்ணுசந்திரன்.

இதையடுத்து, பயிற்சியில் பங்கேற்றவா்களுக்கு பயிற்சி கையேட்டை அவா் வழங்கினாா்.

இதில், மாவட்ட வருவாய் அலுவலா் மதுக்குமாா், இளநிலை வேலைவாய்ப்பு அலுவலா் சுந்தரலிங்கம் உள்ளிட்டோா் கலந்து கொண்டனா்.